સ્માર્ટફોનમાં હંમેશા ON રાખો આ સેટિંગ ફોન ચોરી થવા પર આવશે કામમાં

સ્માર્ટફોનમાં ડેટા સેફ્ટી માટે યૂઝર ઘણા પ્રકારના લૉક અને સિક્યોરિટી ફીચરનો યૂઝ કરતાં હોય છે. જો કે ડેટાની સાથે ફોન ચોરી ન થાય તેની તૈયારી પહેલાંથી કરીને રાખવી જોઇએ. ઘણીવાર ફોન ચોરી થવાને કારણે યૂઝર નિરાશ થતાં હોય છે પરંતુ ફોનમાં કેટલાંક સેટિંગની મદદથી ફોનના લોકેશન સુધી સરળતાથી પહોંચી શકાય છે.

Google સેટિંગ કરશે તમારી મદદ:
એન્ડ્રોઇડ ફોન યૂઝ કરવા માટે Gmail એકાઉન્ટ બનાવવું પડે છે. આ એકાઉન્ટની મદદથી ફોનમાં એપ્સ ઇન્સ્ટોલેશનની સાથે બીજા કામ પણ થતાં હોય છે. જ્યારે ફોનમાં એકાઉન્ટ લોગ-ઇન કરો છો ત્યારથી તમારી એક્ટિવિટી પણ સેવ થવા લાગે છે. જેમ કે તમે શું ડાઉનલોડ કર્યું? શું સર્ચ કર્યું ? કયા સોંગ-વીડિયો જોયા? તમારા ફોનનું લોકેશન શું હતું? જેમાં ક્રોમ એન્ડ્રોઇડ સર્ચ એડ ઇમેજ સર્ચ ગૂગલ ન્યૂઝની અલગ-અલગ કેટેગરી હોય છે. યૂઝર ઇચ્છે તો પોતાની એક્ટિવિટી અહીંયાથી ડિલીટ કરી શકે છે. તેના માટે My Activity પર જઇને જીમેલ લોગ-ઇન કરવાનું હોય છે.

લોકેશન હંમેશા ON રાખો:
Google પર Find your phone સર્ચ કરો. અહીં જે પહેલી લિંક આવે તેને ઓપન કરો. તમને પોતાના ફોનનું મોડલ દેખાશે. અહીંયાથી તમે પોતાનું ફોનનું લોકેશન જાણી શકો છો જો કે તે માટે ફોનનું GPS ઓન કરવાનું રહેશે. ફોનને પાસવર્ડ નાંખીને લૉક પણ કરી શકો છો. સાથે જ ફોન ફાઇન્ડ કરવા માટે 'This phone is lost. Please help give it back' મેસેજ નાંખીને કોઇ બીજો ફોન નંબર પણ આપી શકો છો. તમે અહીંયાથી ફોનનો તમામ ડેટા પણ ડિલીટ કરી શકો છો.