ઉપલબ્ધિ / 4G, 5G નહીં, આવી રહ્યું છે 10G નેટવર્ક, હવે સેકન્ડોમાં મૂવી થઇ જશે ડાઉનલોડ

હજુ વિશ્વના અનેક ભાગમાં 5G નેટવર્ક પણ યોગ્ય રીતે પહોંચ્યું નથી એવામાં ચીને તેનું 10G નેટવર્ક લોન્ચ કર્યું છે. ચીનનું આ 10G નેટવર્ક કોઈ ટેસ્ટિંગ ફેઝમાં નથી પરંતુ તે ઉપયોગ માટે ઉપલબ્ધ છે. તેની શરૂઆત હેબેઈ પ્રાંતના સુનાન કાઉન્ટીમાં હુઆવે અને ચાઇના યુનિકોમ દ્વારા લોન્ચ કરવામાં આવ્યું છે. એક્સપર્ટ તેને ઇન્ટરનેટ ટેકનોલોજીના ક્ષેત્રમાં એક મોટી છલાંગ તરીકે જોઈ રહ્યા છે. આ ટેક્નોલોજી ગ્લોબલ ઇન્ટરનેટ માટે એક નવું સ્ટાન્ડર્ડ પણ સેટ કરશે. આ સુપરફાસ્ટ ઇન્ટરનેટને કારણે લેટન્સી ઓછામાં ઓછી રહેશે.

• ચીનમાં 10Gનો શરૂ થયો ઉપયોગ
  આ 10G નેટવર્ક બ્રોડબેન્ડ સેવા તરીકે શરૂ કરવામાં આવી છે. મતલબ કે, હાલમાં તે દરેક ઘરમાં વાયરલેસ રીતે નહીં પરંતુ વાયર્ડ રીતે પહોંચાડવામાં આવશે. તેની સ્પીડ કમાલની છે. રિયલ વર્લ્ડ ટેસ્ટિંગમાં  9834mbps તેની ડાઉનલોડ સ્પીડ રહી છે. તો તેની અપલોડ સ્પીડ 1008mbps હતી.  આ નેટવર્ક પર 8K મૂવી ડાઉનલોડ કરવામાં ફક્ત 2 સેકન્ડનો સમય લાગશે.

• આ ટેકનોલોજી પર કરશે કામ
  આ એડવાન્સ સર્વિસને એન્હાન્સ્ડ ઓલ-ઓપ્ટિકલ નેટવર્ક F5G-A નામ આપવામાં આવ્યું છે. જે 50G-PON ઈન્ફ્રાસ્ટ્રક્ચર પર આધારિત છે. ઓપ્ટિકલ ફાઇબર એક્સેસ નેટવર્ક્સની કોર આર્કિટેક્ચરમાં અપગ્રેડથી પર્ફોમન્સમાં જોરદાર વધારો થયો છે. તેનાથી સ્પીડ ગીગાબાઇટ્સથી 10G લેવલ સુધી વધારવામાં આવી છે. જ્યારે લેટન્સીને ઘટાડીને માત્ર થોડી મિલિસેકન્ડ સુધી સીમિત કરવામાં આવી છે. ઉલ્લેખનીય છે કે, હેબેઈ પ્રાંતની સુનાન કાઉન્ટી એક ટેક હબ તરીકે ઉભરી રહ્યું છે. જ્યાં 10G સેવાનો પ્રારંભ એક સીમાચિહ્નરૂપ સાબિત થવાનો છે.
  

વધુ વાંચો : Video ચીનમાં માણસ અને રોબોટ વચ્ચે રેસ, 21 કિલોમીટર લાંબી આ રેસમાં કોણ જીત્યું?

દરેક ક્ષેત્રને આ ઇન્ટરનેટની સ્પીડનો લાભ મળશે. તેનાથી લેટન્સી બિલકુલ ના બરાબર હશે અને ઓનલાઈન તથા ઓફલાઈન વચ્ચેનો તફાવત લગભગ ખતમ થઈ જશે. તેનાથી સેલ્ફ-ડ્રાઇવિંગ કારને વધુ સારી બનાવી શકાશે. ડૉક્ટરો માટે માઇલો દૂર બેસીને પણ નાનામાં નાની સર્જરીઓ કરવાનું શક્ય બનશે. આ સિવાય વેબસાઇટ્સને લોડ થવામાં લાગતો સમય અથવા ઓનલાઈન વીડિયોઝ જોતી વખતે લોડ થવામાં લાગતો સમય હવે પાસ્ટ બની જશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ