રૂ. 3999માં મળશે ફેસ અનલોક ફિચરવાળો સ્માર્ટફોન જાણો અન્ય ફિચર્સ

ચીની સ્માર્ટફોન મેકર  iVOOMiએ એન્ટ્રી લેવલ સ્માર્ટફોન  iVOOMi iPro  લોન્ચ કર્યો છે. કંપનીએ દાવો કર્યો છે કે આ બજેટમાં ભારતમાં પહેલો સ્માર્ટફોન છે જેમાં 18:9 ની ફૂલ વ્યૂ ડિસ્પ્લે આપવામાં આવી છે જેની કિંમત માત્ર 3999 રૂપિયા છે. આ સ્માર્ટફોન માત્ર ફ્લિપકાર્ટ પર જ મળશે અને તેનું વેચાણ શરૂ થઇ ગયું છે.

લોન્ચ ઑફર હેઠળ રિલાયન્સ જિયોના યૂઝર્સને 2 200  સુધીનું કેશબેક મળશે. જોકે આ માટે 198 અથવા 299 રૂપિયાનું રિચાર્જ દર મહિને કરાવવાનું રહેશે.

સ્પેસિફિકેશન્સની વાત કરવામાં આવે તો આ સ્માર્ટફોનમાં 4.9 ઇંચની ડિસ્પ્લે આપવામાં આવી છે જેનો એસ્પેક્ટ રેશ્યો 18:9 છે. આ સ્માર્ટફોનમાં 1.3GHz ક્વૉડકોર પ્રોસેસર આપવામાં આવ્યુ છે. આ સ્માર્ટફોન Android Oreo 8.1 (Go Edition) પર રન કરે છે. જોકે કંપનીનું કસ્ટમ OS Smart Me OS 3.0 આપવામાં આવ્યુ છે. કંપનીએ દાવો કર્યો કે આ સ્માર્ટફોનની સ્ક્રીન નહી તૂટે એટલે કે શૈટરપ્રૂફ છે. 

આ ડિવાઇસમાં 1GB RAM ની સાથે 8GB મેમરી આપવામાં આવી છે જેને માઇક્રો SD કાર્ડની મદદથી વધારે 128GB સુધી વધારી શકાય છે. 

ફોટોગ્રાફીની વાત કરવામાં આવે તો 5 મેગાપિક્સલનો રિયર અને 5 મેગાપિક્સલનો સેલ્ફી કેમેરા આપવામાં આવ્યો છે. સેલ્ફી માટે સોફ્ટ ફ્લેશ આપવામાં આવી છે. કંપનીએ આ સ્માર્ટફોનમાં ફેશિયલ રિકૉગ્નિશન પણ આપ્યુ છે જે આ ફોનની હાઇલાઇટ છે. બેટરી 2 000mAh ની છે અને આ સ્માર્ટફોન પ્લેટિનમ ગોલ્ડ મેટ રેડ અને ઇન્ડી બ્લૂ વેરિયન્ટમાં ઉપલબ્ધ છે.