મુકેશ અંબાણીની કંપની Reliance Jioએ દિવાળી ઓફર લોન્ચ કરી છે. કંપનીએ તેને 100 કેશબેક ઓફર નામ આપ્યું છે. ત્યારે 'રિચાર્જ કરો આ દીવાળી પર અને મેળવો બેનીફિટસ નેક્સ્ટ દીવાળી સુધી'ની ટેગલાઈન આપી છે. સાથે જ કંપનીએ સૌથી સસ્તા એન્યુઅલ પ્લાન રજૂ કરવામાં આવ્યો છે.
આ ઓફરમાં યુઝર જે પણ રિચાર્જ કરાવશે તેને એટલા રૂપિયાની કૂપન આપવામાં આવશે. આ કૂપનનો ઉપયોગ રિલાયન્સ ડિજિટલના ઓનલાઈન અને ઓફલાઈન સ્ટોર પર કરી શકાય છે. એટલે કે અહીંયાથી જે પણ પ્રોડક્ટ ખરીદશો તેની કિંમતથી રિચાર્જવાળી એમાઉન્ટ કૂપનની મદદથી ઓછી થઈ જશે.
કેશબેક ઓફરની શરતો
- કેશબેક ઓફરમાં રિચાર્જ કરાવવા પર એક કૂપન કોડ આપવામાં આવશે તેનો ઉપયોગ યૂઝર રિલાયન્સ ડિજિટલ પર કરી શકશે.
- કૂપન કોડનો MyJio એપના કૂપન સેક્શનમાં જીઈને જોઈ શકાય છે.
- ઓફરનો ફાયદો માત્ર પ્રાઈમ Jio યુઝર્સને મળશે. યૂઝરનું એક્ટિવ હોવું પણ જરૂરી છે.
- ઓફર પ્રીપેડ અને પોસ્ટપેડ બન્ને પ્રકારના યૂઝર્સ માટે છે.
- આ ઓફરનો ફાયદો 30 નવેમ્બર 2018 સુધી મળશે. ત્યારે કૂપનની વેલિડિટી 31 ડિસેમ્બર 2018 સુધી રહેશે.
નેકસ્ટ દીવાળી સુધી બેનીફિટ
Jioએ આ ઓફર સાથે વર્ષ આખાની વેલિડિટીવાળો સૌથી સસ્તો પ્લાન પણ રજૂ કર્યો છે. Jioના આ પ્લાનની કિંમત 1699 રૂપિયા છે. તેમાં કંપની 547.5GB 4જી ડેટા સાથે અનલિમિટેડ ડેટા આપશે. એટલે કે યૂઝરને ડેલી 1.5GB ડેટા 4જીની સ્પીડેથી મળશે. પ્લાનની વેલિડિટી 365 દિવસની છે. એટલે કે આ દીવાળી રિચાર્જ કરાવવા પર આ પ્લાનનો ફાયદો આગલી દીવાળી સુધી મળશે.