પર્સનલ ડેટા ચોરી માટે હેકર્સ એક બાજુ સરળ તરકીબો અજમાવી રહ્યા છે તો એમના અટેકથી બચવું હવે મુશ્કેલ થતું જાય છે. એક નાની ભૂલ અને તમે તમારું લોકેશન જવો મહત્વપૂર્ણ ડેટા કોઇ હેકરને સોંપી દેશો. ગૂગલે એક નવા પ્રકારનો બગ રિપોર્ટ કર્યો જે હેકર્સની મદદ કરી શકે છે. એના અટેક માટે હેકર માત્ર એક ફોટો યૂઝરને મોકલે છે જેને ઓપન કરતા જ યૂઝર હેકિંગનો શિકાર થઇ જાય છે. આ ફોટો પીએનજી ફોર્મેટમાં હોય છે.
જો તમને હવેથી કોઇ પ્રાણીનો ફોટો અથવા ફની મીમ પણ કોઇ અજાણ નંબર અથવા મેલથી મળે તો એને ઓપન કરશો નહીં. ખાસ ફાઇલ PNG ફોર્મેટનો ફોટો ડિવાઇસમાં ઓપન કરવાની સાથે જ ડિવાઇસને નુકસાન પહોંચાડી શકે છે. એવું નથી કે આ ફોર્મેટના દરેક ફોટોની સાથે આવું છે અને એ ફોર્મેટ અનસેફ છે પરંતુ એક રીત છે જેનાથી હેકર્સના ફોટોઝને ઇનફેક્ટ કરીને હેકિંગ ટ્રિકની જેમ યૂઝ કરી રહ્યા છે. એન્ડ્રોઇડ 7.0 થી 9.0 વર્ઝન વાળા સ્માર્ટફોન્સ પર એની અસર પડશે.
ગૂગલે આ બગ માટે પોતાના લેટેસ્ટ એન્ડ્રોઇડ સિક્યોરિટી પેચમાં એલર્ટ જારી કર્યું છે અને જણાવ્યું છે કે આ ફ્રેમવર્ક માટે ખતરનાક રૂપથી નુકસાનકારક છે. જો તમારા ડિવાઇસ સુધી પહોંચી જાય તો હેકર્સ તમારું લોકેશન જાણી શકે છે. સાથે જ રિમોટ એક્સેસની મદદથી હોસ્ટ ડિવાઇસને કંટ્રોલ પણ કરી શકે છે. આવો ફોટો વોટ્સએપની મદદથી યૂઝરનું લોકેશન જાણવા માટે ઉપયોગ કરવામાં આવે છે. આ બિલકુલ સામાન્ય ફોટા જેવી છે અને એને અલગથી ઓળખી શકાતી નથી.
સામાન્ય રૂપથી આવા ફોટો વોટ્સએપ અથવા એસએમએસથી તમારા સુધી આવે છે. એવામાં તમે ફોટો અથવા કોઇ લિંકને ઓપન કરો છો અને મોટાભાગે જોયા બાદ ડિલીટ પણ કરી દો છો. એક વખત ફોટો ક્લિક કરીને કંઇક ફની જોવા મળશે પરંતુ બેક એન્ડ પર તમારો ફોન ઇનફેક્ટ થઇ જશે અને તમને ખબર પણ પડશે નહીં.