ચેતવણી / આવો SMS આવે તો ચેતી જજો નહીંતર બૅંકનું ખાતું ખાલી થઈ જશે, સરકારે જાહેર કરી ચેતવણી

• બેન્કિંગ કૌભાંડના કેસો વધતા કેન્દ્ર સરકારે જાહેર કરી ચેતવણી
• હેકર્સ દ્વારા એન્ડ્રોઈડ યૂઝર્સની બેન્કિંગ માહિતી ચોરવાનો પ્રયાસ
• 27થી વધુ સરકારી અને ખાનગી ક્ષેત્રની ભારતીય બેંકોને નિશાને લીધી 

શું છે Drinik મોલવેયર?

કહેવામાં આવી રહ્યું છે કે આ મોલવેયરે 27થી વધુ સરકારી અને ખાનગી ક્ષેત્રની ભારતીય બેંકોને પોતાના નિશાને લીધી છે. CERT-IN મુજબ, Drinik એક એન્ડ્રોઈડ મોલવેયર છે. હેકર્સ આ મોલવેયર દ્વારા લોકોની સંવેદનશીલ બેન્કિંગ માહિતી ચોરી રહ્યું છે. આ મોલવેયર લોકોને પોતાનું નિશાન બનાવવા માટે ફિશિંગ ટ્રીકનો આધાર લે છે.

Drinik મોલવેયર કેવીરીતે ફોનમાં ઈન્સ્ટોલ થાય છે?

આ ડ્રિનિક કેવીરીતે કામ કરે છે, CERT-INએ કહ્યું છે કે પીડિતને ઈન્કમ ટેક્સ રિફંડ સાથે સંબંધિત એક SMS પ્રાપ્ત થાય છે. જેમાં એક મેલિશિયસ લિન્ક હોય છે. પીડિતને આ લિન્કમાં અંગત માહિતી નોંધવા અને ફાઈલને ડાઉનલોડ કરવા માટે કહેવામાં આવે છે. આ રીતે આ મોલવેયર ફોનમાં ઈન્સ્ટોલ થાય છે. રસપ્રદ વાત એ છે કે આ એપનો ઈન્ટરફેસ ઈન્કમ ટેક્સના મોબાઈલ એપ દ્વારા મળે છે. ઈન્સ્ટોલ થયા બાદ Drinik મોલવેયર યૂઝર્સ પાસે એસએમએસ, કેમેરા અને કોલ લોગની મંજૂરી માંગે છે. આ સિવાય જો યૂઝર્સ વેબસાઈટ પર બેન્કિંગ માહિતી નોંધાવતો નથી તો તેમને એપમાં એક ફોર્મ મળે છે. જેમાં માહિતી ભરવા માટે કહેવામાં આવે છે.

બેન્કિંગ અને આધાર નંબર જેવી માહિતી ચોરે છે

Drinik મોલવેયર યૂઝરનું નામ, પાન કાર્ડ, આધાર નંબર, એડ્રેસ, જન્મ તારીખ, મોબાઈલ નંબર, ઈમેલ આઈડી, બેંક એકાઉન્ટ નંબર, આઈએફએસસી કોડ, સીઆઈએફ નંબર, ડેબિટ કાર્ડ નંબર અને પિન જેવી માહિતીની ચોરી કરે છે.