HMD ગ્લોબલે ભારતમાં Nokia 8.1 લોન્ચ કરી દીધો છે. Nokia 8.1ની કિંમત 26999 રૂપિયા છે જેનું વેચાણ 21 ડિસેમ્બરથી શરૂ થશે. ભારતમાં આ ફોન બ્લૂ/સિલ્વર અને આયરન/સ્ટીલ કવર વેરિયન્ટમાં મળશે આ સ્માર્ટફોન તમે ઑનલાઇન અને ઑફલાઇન બંને રીતે ખરીદી શકશો. આ સ્માર્ટફોનની પ્રી બુકિંગ નોકિયાની વેબસાઇટ પર શરૂ થઇ ગયુ છે. કંપનીએ લોન્ચ ઑફર હેઠળ એરટેલ યૂઝર્સને 1TB ડેટા આપવાની જાહેરાત કરી છે. આ સિવાય HDFC બેંકના કાર્ડ્સ પર ખરીદી કરવાથી કેશબેક મળશે.
Nokia 8.1ના સ્પેસિફિકેશન્સની વાત કરવામાં આવે તો તેમાં 6.18 ઇંચની ફૂલ HD+ ડિસ્પ્લે આપવામાં આવે છે. જ્યારે એસ્પેક્ટ રેશ્યો 18.7:9 છે અને સ્ક્રીન ટૂ બૉડી રેશ્યો 86.5% છે જેમાં 2.5D કર્વ્ડ્ ગ્લાસ છે. પ્રોટેક્શન માટે કોર્નિગ ગોરિલ્લા ગ્લાસ 3 આપવામાં આવ્યો છે. આ ડિવાઇસમાં ઑક્ટાકોર ક્વૉલ્કૉમ સ્નેપડ્રેગન 710 પ્રોસેસર આપવામાં આવ્યુ છે જેની બોડી 6000 સીરિઝ એલ્યૂમિનિયમની બની છે.
Nokia 8.1 મેમરી વેરિયન્ટની વાત કરવામાં આવે તો 4GB RAM અને 64GB ઇન્ટનલ મેમરી આપવામાં આવી છે જેને માઇક્રો SD કાર્ડની મદદથી 400GB સુધી વધારી શકાય છે.
ફોટોગ્રાફીની વાત કરવામાં આવે તો Nokia 8.1માં ડ્યૂઅલ રિયર કેમેરા સેટ અપ આપવામાં આવ્યુ છે. એક કેમેરા 12 મેગાપિક્સલનો છે જેમાં 1.4 માઇક્રોન પિક્સલ છે ડ્યૂઅલ ઓટોફોક્સ અને અપર્ચર f/1.8 છે. બીજો કેમેરા 13 મેગાપિક્સલનો છે. સેલ્ફી માટે એક જ કેમેરા આપવામા આવ્યો છે જે 20 મેગાપિક્સલનો છે. કેમેરા zeissનો છે. Nokia 8.1 કેમેરા બોથી ફીચર ધરાવે છે. આ ફિચર દ્વારા ફ્રન્ટ અને બેક કેમેરા એકસાથે યૂઝ કરી શકાય છે.
બાયોમેટ્રિક સિક્યોરિટી માટે તેમાં ફેસ અનલૉક ફિચર આપવામાં આવ્યુ છે. ફિંગપ્રિન્ટ સ્કેનર સ્માર્ટફોનના રિયરમાં છે.
આ સ્માર્ટફોનમાં 3 500mAhની બેટરી આપવામાં આવી છે અને આ 18W ફાસ્ટ ચાર્જિંગ સપોર્ટ કરે છે. કનેક્ટિવિટી માટે 4G VoLTE WiFi Bluetooth v5.0 GPS અને USB Type C પોર્ટ આપવામાં આવ્યો છે. આ સિવાય તમામ સ્ટાન્ડર્ડ ક્નેક્ટિવિટી ફિચર્સ છે. કંપની એ દાવો કર્યો કે Nokia 8.1ની બેટરી 2 દિવસ સુધી બેકઅપ આપશે.