ટેક્નોલોજી / Android યુઝર્સની બલ્લે-બલ્લે, હવે ફ્રીમાં લાભ ઉઠાવી શકશો Gemini એડવાન્સનો, ટ્રાય કરો!

વિશ્વના જે કોઈ પણ વિદ્યાર્થી અમેરિકામાં રહે છે તેમના માટે સારા સમાચાર છે. ગૂગલે તાજેતરમાં અમેરિકન કોલેજના વિદ્યાર્થીઓ માટે એક શાનદાર ઓફર રજૂ કરી છે. હવે અમેરિકન કોલેજના વિદ્યાર્થીઓને Gemini Advanced, NotebookLM Plus અને 2TB ક્લાઉડ સ્ટોરેજ બિલકુલ મફત આપવામાં આવશે. આ સુવિધા વિદ્યાર્થીઓ માટે આવતા વર્ષના ઉનાળા સુધી ઉપલબ્ધ રહેશે.

ગૂગલની આ ઓફર ખાસ કરીને એવા વિદ્યાર્થીઓ માટે છે જે અમેરિકાની કોલેજમાં અભ્યાસ કરી રહ્યા છે અને જેમની પાસે edu થી પૂરું થતું ઇમેઇલ એડ્રેસ છે. આ ઓફર હેઠળ વિદ્યાર્થીઓ 15 મહિના માટે મફતમાં Google One AI પ્રીમિયમ પ્લાનનો લાભ મેળવી શકશે.

• આ સબ્સ્ક્રિપ્શનમાં શું મળશે?

1. Gemini Advanced (ઈન્ક્લુડિંગ Gemini 2.5 પ્રો વર્ઝન)
2. NotebookLM Plus  (રિસર્ચ ટૂલ)
3. Whisk (ઇમેજ અને એનિમેશન જનરેશન ટૂલ)
4. Veo 2 ( વીડિયો જનરેશન ટૂલ)
5. 2TB ગૂગલ ડ્રાઇવ ક્લાઉડ સ્ટોરેજ અને અન્ય Gemini AI ફીચર્સ પણ Google Workspace એપ્સમાં ઉપલબ્ધ હશે.

વધુ વાંચો : અપનાવો આ રીત, તો સસ્તામાં બુક થઇ જશે તમારી ફ્લાઇટ ટિકિટ!

જો કોઈ વિદ્યાર્થી પહેલાથી જ Google One AI પ્રીમિયમ સબ્સ્ક્રાઇબર હોય તો તેને તેનું હાલનું સબ્સ્ક્રિપ્શન રિન્યુ થાય તે પહેલાં તેને રદ કરવું પડશે અને બાદમાં આ ઓફરનો દાવો કરવો પડશે. આ ઓફરનો દાવો 30 જૂન 2025 સુધી કરી શકાશે. ગૂગલે OpenAI ના  પ્રમોશનના જવાબમાં આ પગલું ભર્યું છે જેમાં ChatGPT Plus યુએસ અને કેનેડાના વિદ્યાર્થીઓ માટે બે મહિના માટે મફતમાં ઉપલબ્ધ કરાવવામાં આવ્યું છે. ગૂગલની આ ઓફરની સૌથી મોટી ખાસિયત એ છે કે ChatGPT Plusની તુલનામાં આ ફીચર વિદ્યાર્થીઓને ઘણા લાંબા સમય માટે આપવામાં આવી રહી છે, પરંતુ તે ફક્ત અમેરિકામાં અભ્યાસ કરતા કોલેજના વિદ્યાર્થીઓ સુધી જ મર્યાદિત છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ