ગુજરાતી ફિલ્મ 'ફક્ત મહિલાઓ માટે' નું ટીઝર બહાર પડી ગયું છે અને આ ફિલ્મનું ટીઝર લોકોને ખૂબ જ પસંદ આવી રહ્યું છે.
ગુજરાતી ફિલ્મ 'ફક્ત મહિલાઓ માટે' નું ટીઝર બહાર પડી ગયું છે
ટીઝરની શરૂઆત જ અમિતાભ બચ્ચનના અવાજ થી થાય છે.
આ ગુજરાતી ફિલ્મ 19 ઓગસ્ટના રોજ થીયેટરમાં રિલીઝ થશે
ગુજરાતી ફિલ્મ 'ફક્ત મહિલાઓ માટે' માં બોલીવુડના શહેનશા કેમિયો કરવા જઈ રહ્યા છે પણ આ ફિલ્મમાં એમનો ઘણો મહત્વનો રોલ છે. બોલીવુડમાં તો અમિતાભ બચ્ચને ઘણી ફિલ્મો કરી છે પણ અમિતાભ એ એમના 50 વર્ષના લાંબા કરિયરમાં પહેલી વખત એક ગુજરાતી ફિલ્મ કરી છે.
ગુજરાતી ફિલ્મ 'ફક્ત મહિલાઓ માટે' નું ટીઝર બહાર પડી ગયું છે અને આ ફિલ્મનું ટીઝર લોકોને ખૂબ જ પસંદ આવી રહ્યું છે. સાથે જ લોકો કહી રહ્યા છે કે આ ગુજરાતી ભાષામાં બનેલ એક બેસ્ટ ફિલ્મ હશે. આ ફિલ્મના ટીઝરમાં દિક્ષા જોષી, યશ સોની, ભાવીની જાનિ અને પ્રશાંત બારોટ જેવાં કલાકારો જોવા મળે છે. સાથે જ ટીઝરની શરૂઆત જ અમિતાભ બચ્ચનના અવાજ થી થાય છે.
અમિતાભ બચ્ચને આ ફિલ્મમાં કામ કરવા માટે એક પણ રૂપિયા ફિ લીધી નથી. આ ગુજરાતી ફિલ્મ 19 ઓગસ્ટના રોજ થીયેટરમાં રિલીઝ થશે. આ ફિલ્મમાં જય સોની અને દીક્ષા જોશી મુખ્ય ભૂમિકામાં જોવા મળશે અને આ ફિલ્મના ડાયરેક્ટર જય બોડાસ છે. જન્માષ્ટમીના ખાસ અવસર પર આ પારિવારિક ફિલ્મને રિલિઝ કરવામાં આવશે.
પ્રોડ્યુસર આનંદ પંડિતે જણાવ્યું હતું કે, "એમને બીગ બી ને ક્યારે કહ્યું કે તે પહેલી વખત ગુજરાતી ફિલ્મમાં કામ કરી રહ્યા છે એટલા માટે એમનો ડાયલોગ કોઈ ડબિંગ આર્ટીસ્ટ પાસે ડબ કરાવી લઈશું કારણ કે એવું બની શકે કે એમને ગુજરાતી બોલવામાં સમસ્યા આવી શકે છે.'
આ પર અમિતાભ બચ્ચને આનંદ પંડિતને કહ્યું કે,' આનંદ જી અમારું કામ તો અમે જ કરશું, તમે અમારું કામ જોઈ લો, જો સારું ન લાગે તો વોઈસ ઓવર કરાવી લેજો. તમારા આર્ટીસ્ટ પર ભરોસો રાખો, અમે તમને નિરાશ નહીં કરીએ.' અમિતાભની આ વાતનો નિર્માતા પાસે કોઈ જવાબ નહતો. આગળ આનંદ પંડિતે જણાવ્યું હતું કે, 'અમિતાભ બચ્ચને સાચે કમાલ કરી બતાવ્યો હતો અને એમને ગુજરાતી લહેકો પકડી લીધો હતો અને માત્ર 45 મિનિટની અંદર એમને ડબિંગ પણ પૂરી કરી લીધું હતું. એમને હંમેશાની જેમ પુરા પરફેક્શન સાથે કામ કર્યું હતું.