દુનિયાના સર્વશ્રેષ્ઠ ફૂટબોલર લિયોનલ મેસીની આંખમાં આંસુવાળી આ તસવીર તેમના ફેન્સને પણ રડાવી ગઇ.
21 વર્ષ બાદ મેસીએ છોડ્યુ ક્લબ
13 વર્ષની ઉંમરમાં ક્લબ સાથે જોડાયો હતો
ફેરવેલમાં રડી પડ્યો લિયોનલ મેસી
13 વર્ષની ઉંમરમાં ક્લબ સાથે જોડાયો
આર્જેન્ટિનાના આ સ્ટાર ફૂટબોલરને સ્પેનિશ ફૂટબોલ ક્લબ બાર્સેલોના છોડવું પડ્યું છે. 13 વર્ષની ઉંમરમાં આ ક્લબ સાથે જોડાયા હતા અને 21 વર્ષ સુધી તે આ જ ક્લબમાંથી રમતાં રહ્યાં હતા. બાર્સેલોનાની ટીમને ભારે નાણાકીય સંકટમાંથી પસાર થવું પડી રહ્યું છે. ક્લબ પર 8000 કરોડ રૂપિયાનું દેવું છે. જ્યારે મેસીની 2017માં ક્લબથી છેલ્લી ડીલ 4900 કરોડ રૂપિયાની થઇ હતી. જેના કારણે મેસીનો કરાર ડ્રોપ કરવો પડ્યો હતો.
મેસીનું નિવેદન
રવિવારે ક્લબ તરફથી મેસીની ફેરવેલ રાખવામાં આવી હતી. કેમ્પ નોઉ સ્ટેડિયમમાં થયેલી આ ફેરવેલમાં મેસી પોતાની લાગણીઓ પર કાબૂ ન રાખી શક્યા અને રડવા લાગ્યા હતા.
બાર્સેલોના ઘર જેવું
મેસીએ કહ્યું કે, બાર્સેલોના મારા ઘર જેવું છે, 21 વર્ષ અહી વિતાવ્યા બાદ છોડવું મારા માટે મુશ્કેલ છે. મેં ક્યારેય વિચાર્યુ નહોતું કે આવો પણ એક દિવસ આવશે. હું આ ઘટના માટે તૈયાર નહોતો. સ્પેનિશ લીગના નિયમો અનુસાર મારો કોન્ટ્રાક્ટ આગળ વધારવો સંભવ નહોતો. મે મારી સેલેરી 50% ઓછી કરી દેવાની ઑફર પણ આપી પરંતુ કંઇ વાત બની નહી.
ફ્રાંસના સેન્ટ જર્મેનથી રમશે મેસ્સી
મેસી સ્પેનની બાર્સેલોના ક્લબને છોડ્યા બાદ હવે ફ્રાંસના ફૂટબોલ ક્લબ પેરિસ સેન્ટ જર્મેન તરફથી રમશે. મિડીયા રિપોર્ટ્સ અનુસાર 3 વર્ષનો કોન્ટ્રાક્ટ સાઇન થઇ ચૂક્યો છે. તેને એક વર્ષ વધારવાનો પણ ઓપ્શન છે. આ કંપની મેસીને 305 કરોડ રૂપિયા સેલેરી આપશે.