IND vs WI / હૈદરાબાદ T-20 પહેલાં ટીમ ઈન્ડિયાએ પ્રેક્ટિસ માટે અપનાવી આ નવી પદ્ધતિ

• ટી-20 સીરિઝની પહેલી મેચ 6 ડિસેમ્બરથી થશે શરૂ
• ખેલાડીઓએ પ્રેક્ટિસ દરમિયાન તેજ ગતિથી લગાવી દોડ
• ભારતીય ટીમના કોચ નિક વેબ લાવ્યા પ્રેક્ટિસની નવી પદ્ધતિ

વેસ્ટઈન્ડીઝ સામે ત્રણ ટી-20 આંતરરાષ્ટ્રીય મેચ સીરિઝની પ્રથમ મેચ 6 ડિસેમ્બરે હૈદરાબાદમાં રમાશે. અગાઉ ટીમ ઇન્ડિયાએ તેના પહેલાં ટ્રેનિંગ સેશનમાં ભારતીય ખેલાડીઓને હૈદરાબાદમાં બે ટીમમાં વહેંચી એકની પાછળ એક તેજ દોડ લગાવતા જોવા મળ્યા હતા. 

રસપ્રદ વાત તો એ છે કે ઘણી વખત પહેલી લાઈનમાં દોડતા ખેલાડીઓ તેમની પાછળ રૂમાલ લટકાવતા હતા અને પાછળ દોડતી ટીમનો ઉદ્દેશ્ય તેમનો પીછો કરી તે રૂમાલને નીચે પાડવાનો હતો. 

કોચ નિક વેબ લાવ્યા પ્રેક્ટિસની નવી પદ્ધતિ

What's with #TeamIndia's new training drill? 🤔🤔 pic.twitter.com/4Z04DOvRIi

— BCCI (@BCCI) December 4, 2019

એવું કહેવામાં આવે છે કે ભારતીય ટીમની સ્ટ્રેન્થ ગણાતા ટ્રેનર કોચ નિક વેબ આ કવાયત લાવ્યા છે. આ ખેલાડીઓની ગતિને વેગ આપવાની સાથે તેમની પર પ્રેશર પર રહેશે કે અન્ય ખેલાડી ઝડપથી તેમનો પીછો કરી રહ્યાં છે. નિક વેબ ન્યૂઝીલેન્ડ વિમેન્સ ક્રિકેટ અને આકલેન્ડ સ્થિત રગ્બી લીગ ટીમ વોરિયર્સના ભૂતપૂર્વ ટ્રેનર રહી ચૂક્યા છે.

ભારતીય ટીમની પ્રેક્ટિસની પદ્ધતિઓમાં ઘણો જ બદલાવ આવ્યો છે

આઇપીએલના એક વરિષ્ઠ ટ્રેનરે પીટીઆઈને જણાવ્યું કે, "ખેલાડીઓ કોઈનો પીછો કરતા હોય છે અથવા કોઈ તેમનો પીછો કરે છે, આનાથી તેજ દોડવા માટે પ્રેરણા મળે છે." વધુમાં તેમણે કહ્યું, બીબીસીઆઈની વેબસાઈટ પર અપલોડ કરાયેલા વીડિયોને જોઈને મને લાગે છે કે, આ અભ્યાસ ગતિ વધારવા અને સ્પર્ધકો દ્વારા અભ્યાસ માટેનું વાતવરણ સારું કરવા માટે કરવામાં આવી રહ્યો છે. શંકર બસુના સમયથી ભારતીય ટીમની પ્રેક્ટિસની પદ્ધતિઓમાં ઘણો જ બદલાવ આવ્યો છે.