ભારત અને ઇંગ્લેન્ડ વચ્ચેની ત્રીજી ટેસ્ટના ત્રીજા દિવસે એક એવી ઘટના બની જેને જાણીને તમે હસી પડશો.
જારવો ફરી એકવાર મેદાનમાં ઘૂસ્યો
રોહીત આઉટ થયા બાદ પિચ પર પહોંચ્યો
સિક્યોરીટીએ બહાર બહાર કાઢ્યો
લૉર્ડ્સમાં ઘૂસ્યો જારવો
નોંધનીય છે કે લોર્ડ્સ ટેસ્ટ દરમિયાન જારવો ગ્રાઉન્ડમાં ઘૂસી ગયો હતો. તેણે ટીમ ઇન્ડિયાની જર્સી નંબર 69 પહેરેલી હતી. તે સિક્યોરીટી ગાર્ડ્સ સામે પોતાને ભારતીય ટીમનો મેમ્બર ગણાવવા લાગ્યો હતો. જારવોને આવું કરતો જોઇને મોહમ્મદ સિરાજ પોતાનું હસવું રોકી શક્યો નહોતો.
હેડિંગ્લે ગ્રાઉન્ડમાં બેટિંગ ગિયર પહેરીને ઘૂસ્યો
જારવોએ ફરી એકવાર મેદાનમાં એન્ટ્રી મારી અને જ્યારે રોહીત શર્મા આઉટ થયો તો જારવો મેદાનમાં બેટિંગ કરવા હેલમેટ અને ગ્લવ્ઝ પહેરીને પીચ સુધી પહોંચી ગયો ત્યારે સિક્યોરીટી ગાર્ડે તેને પકડ્યો અને મેદાનમાંથી બહાર કરી દીધો હતો.
ફેન્સે જારવોને કહ્યો લિજેન્ડ
જારવોનો આ વીડિયો સોશ્યલ મિડીયા પર વાયરલ થઇ રહ્યો છે. ફેન્સે તેને જબરા રિએક્શન આપ્યા છે. કેટલાક લોકો તો જારવોને લિજેન્ડ ગણાવી રહ્યાં છે. એક શખ્સે તો મજાકમાં લખ્યું કે ઇન્ડિયાના સ્ટાર પ્લેયર સાથે સિક્યોરીટીએ આવું નહોતું કરવું જોઇતું.