IPLIN
 

ક્રિકેટ / પ્રજાસત્તાક દિવસે ટીમ ઈન્ડિયાનો ભવ્ય વિજય, ન્યુઝીલેન્ડને 7 વિકેટથી હરાવ્યું

Team VTV 04:19 PM, 26 Jan 20 | Updated: 05:26 PM, 26 Jan 20
Follow us
TEAM INDIA WON THE MATCH AGAINST NEW ZEALAND ON REPUBLIC DAY

ભારતે ન્યુઝીલેન્ડને બીજી T 20માં 7 વિકેટે હરાવ્યું છે. 133 રનનો લક્ષ્યાંક પ્રાપ્ત કરવા ભારતીય ટીમે 17.3 ઓવરમાં જ જીત મેળવી લીધી. રાહુલ અને શ્રેયસ અય્યરે આજે ત્રીજી વિકેટ માટે 86 રનની ભાગીદારી કરી. 

  • ભારતે સીરીઝમાં 2-0થી મેળવી લીડ 
  • ન્યુઝીલેન્ડની ટીમે ભારતને 133 રનનો આપ્યો હતો લક્ષ્યાંક 
  • વિરાટ કોહલી મેચમાં 11 રન બનાવી આઉટ 

ટીમ ઈન્ડિયાએ ન્યુઝીલેન્ડનાં ઓકલેન્ડમાં આજે બીજી T 20 મેચમાં 7 વિકેટથી જીત મેળવી હતી. આ સાથે જ ટીમ ઈન્ડિયા આ સીરીઝમાં 2 મેચ જીતી લીધી છે. હવે ત્રીજો મુકાબલો બુધવારે 29 જાન્યુઆરીના રોજ રમવામાં આવશે. 

આ મેચમાં ટોસ જીતીને ન્યુઝીલેન્ડની ટીમ બેટિંગ કરવા ઉતરી. 20 ઓવરમાં ન્યુઝીલેન્ડે 132 રન બનાવ્યા અને ભારતને 133 રનનો લક્ષ્યાંક આપ્યો. ભારતીય ટીમે આ મેચમાં સારું પ્રદર્શન દાખવી 17.3 ઓવરમાં લક્ષ્ય પ્રાપ્ત કર્યું.

શ્રેયસ અય્યરે 44 રન ફટકાર્યા

રાહુલે આ મેચમાં 57 રન બનાવ્યા. શ્રેયસ અય્યરે 44 રન ફટકાર્યા. શિવમ દુબેએ છગ્ગો ફટકારી ટીમને જીત અપાવી. રોહિત શર્મા 6 બોલમાં 8 રન અને કેપ્ટન કોહલી 11 રન બનાવી આઉટ થઇ ગયા હતા. 

રોહિત આ મેચમાં 8 રન બનાવી આઉટ થઇ ગયા

ટીમ ઇન્ડિયા તરફથી રોહિત શર્માએ લોકોને નિરાશ કર્યા. રોહિત આ મેચમાં 8 રન બનાવી આઉટ થઇ ગયા. છઠ્ઠી ઓવરમાં કેપ્ટન કોહલી ટીમ સાઉદીનાં શિકાર બની ગયા. વિરાટ કોહલીએ આ મેચમાં 11 રન બનાવ્યા. ભારતીય ટીમે આજે સારી બોલિંગ કરતા ન્યુઝીલેન્ડને પહેલાં બેટિંગ કરવાનો ફાયદો ન ઉઠાવવા દીધો. ન્યુઝીલેન્ડ તરફથી માર્ટિન ગપ્ટિલે 33 રન બનાવ્યા. ભારત તરફથી રવીન્દ્ર જાડેજાએ 2 વિકેટ જ્યારે જસપ્રીત બુમરાહ, શાર્દુલ ઠાકુર એન શિવમ દુબેએ એક એક વિકેટ ઝડપી હતી.

 

Cricket ind vs nz Virat Kohli Shreyas Iyer K L Rahul New Zealand live score
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ