INDvsPAK / મહામુકાબલામાં પાકિસ્તાનની 5 વિકેટે જીત, રસાકસીભરી મેચમાં છેલ્લી ઓવરમાં આવ્યું પરિણામ

• આજે એશિયા કપમાં ભારત - પાકિસ્તાન વચ્ચે ટક્કર
• મહામુકાબલામાં પાકિસ્તાનની 5 વિકેટે જીત
• પાકિસ્તાન પણ હોંગકૉંગને 155 રનથી હરાવ્યા બાદ ફોર્મમાં 

આજે ફરી ભારતીય ક્રિકેટ ફેન્સ માટે મૌકા મૌકાનો દિવસ આવી ગયો છે. આજે ટીમ ઈન્ડિયા પાકિસ્તાનને હરાવવા અને એશિયા કપની ફાઇનલમાં એન્ટ્રી મેળવવાનો મોકો છે. પાકિસ્તાને ટોસ જીતીને ભારતીય ટીમને પહેલા બેટિંગ કરવા આમંત્રણ આપ્યું હતું. જેમાં ભારતે 20 ઓવરમાં 7 વિકેટ પર 181 રન બનાવ્યા હતા. જેના જવાબમાં રસાકસીભરી મેચમાં પાકિસ્તાનની જીત થઇ છે.

પાકિસ્તાનની ઇનિંગ

182 રનોના ટાર્ગેટનો પીછો કરતા પાકિસ્તાને બાબરની વિકેટને જલ્દી ગુમાવી દીધી. પરંતુ રિઝવાન પૂરા જોશમાં હતો. તેમણે ફખર જમાનની સાથે 41 રન જોડીને ઇનિંગ સંભાળી. જોકે જમાન આખી ઇનિંગ દરમિયાન સંઘર્ષ કરતા જોવા મળી. જમાનના આઉટ થયા બાદ પાકિસ્તાને મોહમ્મદ નવાઝને બેટિંગ માટે મોકલ્યા મેચનો ટર્નિંગ પોઇન્ટ સાબિત થયું.

રસાકસીભરી મેચમાં પાકિસ્તાનની 5 વિકેટે જીત, ભારતે પાકિસ્તાનને આપ્યો હતો 182 રનનો ટાર્ગેટ

ભારતને મળી ચોથી મોટી સફળતા, મોહમ્મદ રિઝવાન 51 બોલમાં 71 રન બનાવીને આઉટ

અંતે ભારતને મળી ત્રીજી સફળતા, નવાઝ 42 રને આઉટ
મોહમ્મદ નવાઝ 20 બોલ પર 42 રન બનાવીને આઉટ, 16મી ઓવરે ભારતને મળી ત્રીજી સફળતા

રિઝવાન-નવાઝ જામ્યા
15 ઓવરમાં પાકિસ્તાનનો સ્કોર 2 વિકેટના નુકસાને 135 રન છે. મોહમ્મદ રિઝવાન 62 અને મોહમ્મદ નવાઝ 42 રન બનાવીને રમી રહ્યા છે. હવે પાકિસ્તાનને જીત માટે 46 રન જરૂરી.

પાકિસ્તાન 100ને પાર, રિઝવાનની ફિફ્ટી

મોહમ્મદ રિઝવાન શાનદાર ફોર્મમાં છે. રિઝવાને 37 બોલ પર પોતાની અડધી સદી પૂરી કરી લીધી. રિઝવાને જ્યાં ફિફ્ટી લગાવી, ત્યાં પાકિસ્તાનનો સ્કોર 12.2 ઓવર પર 100 રન સુધી પહોંચ્યો છે.

12 ઓવર પૂર્ણ
12 ઓવરની રમત પૂર્ણ થઇ ચૂકી છે. પાકિસ્તાને હાલ 2 વિકેટના નુકસાને 92 રન બનાવી લીધા છે. મોહમ્મદ રિઝવાન 46અને મોહમ્મદ નવાઝ 20 રન પર રમી રહ્યા છે.

ભારતને મળી બીજી સફળતા, ફખર જમાન બોલમાં 15 રન બનાવીને આઉટ
ભારતીય ટીમને મળી બીજી મોટી સફળતા. ફખર જમાન આઉટ થયો છે. જમાનને યુજવેન્દ્ર ચહલે કિંગ કોહલીના હાથે કેચ આઉટ કરાવ્યો. જમાને 18 બોલનો સામનો કરતા કુલ 15 રન બનાવ્યા.

ભારતને મળી પહેલી મોટી સફળતા, બાબર આઝમ 14 રન બનાવીને આઉટ

ભારતીય ટીમને મોટી સફળતા મળી ચૂકી છે. કેપ્ટન બાબર આઝમ આઉટ થઇ ચૂક્યા છે. બાબરને રવિ બિશ્નોઈએ પોતાના સ્પિન બોલથી આઉટ કર્યા. બાબરનો કેચ સૂર્યકુમારે લીધો. બાબરે 10 બોલ પર 14 રન બનાવ્યા, જેમાં 2 ચોગ્ગા સામેલ હતા. ચાર ઓવર બાદ પાકિસ્તાનનો સ્કોર 1 વિકેટ પર 22 રન છે. મોહમ્મદ રિઝવાન 8 અને ફખર જમાં 0 રન પર રમી રહ્યા છે.

Babar Azam falls as India get an early wicket 👏🏻#INDvPAK | #AsiaCup2022 | 📝 Scorecard: https://t.co/tV9iUvu6z1 pic.twitter.com/AeFMIulQ3L

— ICC (@ICC) September 4, 2022

પાકિસ્તાનની ઇનિંગ શરૂ
ભારતે પાકિસ્તાનને 182 રનનો ટાર્ગેટ આપ્યો છે. ત્યારે, રિઝવાન અને બાબર ઓપનર તરીકે ક્રીઝ પર છે.

પાકિસ્તાનને 182 રનનો ટાર્ગેટ, ભારતના 3 ખેલાડીઓએ રંગ રાખ્યો
ભારતનો સ્કોર 20 ઓવરમાં 7 વિકેટ પર 181 રન બનાવ્યા છે, પાકિસ્તાનને જીત માટે 182 રનનો ટાર્ગેટ આપ્યો છે. ભારતીય ટીમના ઓપનર બેટ્સમેન કે.એલ રાહુલ અને રોહિત શર્માએ ધમાકેદાર શરૂઆત કરી. આ બન્ને બેટ્સમેનોએ 28-28 રનોની ઇનિંગ રમી. ત્યારબાદ ત્રીજા નંબરે બેટિંગ કરવા ઉતરેલા વિરાટ કોહલીએ શાનદાર પ્રદર્શન કર્યું. વિરાટે મેચમાં 44 બોલ પર 60 રન ફટકાર્યા. આ ટૂર્નામેન્ટમાં વિરાટની સતત બીજી અડધી સદી છે.

ભારતીય ટીમના ખેલાડીઓનો સ્કોર (*અણનમ)

1. રોહિત શર્મા(કેપ્ટન) : 28 રન(16 બોલ)
2. કે.એલ. રાહુલ : 28 રન(10 બોલ)
3. સૂર્યકુમાર યાદવ : 13 રન(10 બોલ)
4. ઋષભ પંત : 14 રન(12 બોલ)
5. હાર્દિક પંડ્યા : 0 રન(2 બોલ)
6. દીપક હુડ્ડા : 16 રન(14 બોલ)
7. ભુવનેશ્વર કુમાર : 0 રન(0 બોલ)*
8. રવિ બિશ્નોઇ : 8 રન(2 બોલ)*

ભારતને સાતમો ઝટકો, વિરાટ કોહલી 44 બોલમાં 60 રન ફટકારીને થયો રન આઉટ

ભારતને છઠ્ઠો ઝટકો, દીપક હુડ્ડા 14 બોલમાં 16 રન બનાવીને આઉટ, ભૂવનેશ્વર અને કોહલી ક્રિઝ પર.

વિરાટ કોહલીએ ફટકારી 32મી t-20 આંતરરાષ્ટ્રીય અડધી સદી
વિરાટ કોહલીએ શાનદાર બેટિંગ કરતા પોતાની અડધી સદી પૂરી કરી લીધી છે. વિરાટ કોહલીએ ફટકારી 32મી t-20 આંતરરાષ્ટ્રીય અડધી સદી. સૌથી વધારે ફિફ્ટી ફટકારવાનાં મામલે રોહિત શર્માને પાછળ છોડ્યો છે. કોહલીએ હસનૈનના બોલ પર છગ્ગો લગાવીને આ સિદ્ધિ મેળવી છે. કોહલીએ 36 બોલનો સામનો કરતા ફિફ્ટી લગાવી. આ દરમિયાન તેમણે ચાર ચોગ્ગા અને એક છગ્ગો લગાવ્યો.

A brilliant 60 off 44 deliveries from @imVkohli makes him our Top Performer from the first innings.

A look at his batting summary here 👇👇#INDvPAK #AsiaCup2022 pic.twitter.com/VPEfamGENJ

— BCCI (@BCCI) September 4, 2022

કોહલી પર સૌની આશા
15 ઓવર પર ભારતનો સ્કોર 5 વિકેટના નુકસાને 135 રન છે. વિરાટ કોહલી 40 અને દીપક હુડ્ડા 0 રન પર રમી રહ્યા છે. હવે વિરાટ કોહલી પાસે છેલ્લી ઓવરમાં ધમાકાની આશા છે. શાદાબ ખાન 16મી ઓવર ફેંકી રહ્યા છે.

ભારતની અડધી ટીમ આઉટ, હાર્દિક પંડ્યા શૂન્ય પર આઉટ
હાર્દિક પંડ્યા ખાતુ ખોલ્યા વગર જ આઉટ થઇ ગયા છે. હાર્દિકને મોહમ્મદ હસનૈને મોહમ્મદ નવાઝના હાથે કેચ આઉટ કરાવ્યો. ભારતનો સ્કોર 5 વિકેટ પર 131 રન છે.

ભારતને ચોથો ઝટકો, ઋષભ પંત આઉટ
ઋષભ પંતની વિકેટ પડી છે. ઋષભ પંત 12 બોલમાં 14 રન બનાવીને આઉટ થયો છે. પંતને શાદાબ ખાને પોતાના સ્પિનના જાળમાં ફસાવ્યો. પંતનો કેચ આસિફ અલીએ ઝડપ્યો. 

11 ઓવરમાં ભારતનો સ્કોર 100 રનને પાર
10.4 ઓવરમાં ભારતનો સ્કોર 3 વિકટ પર 100 રન પર પહોંચ્યો છે. કોહલી 23 રન અને પંત 2 રન પર.

ભારતને ત્રીજો મોટો ઝટકો, સૂર્યકુમાર યાદવ આઉટ
પાકિસ્તાનને ત્રીજી સફળતા મળી ચૂકી છે. સૂર્યકુમાર યાદવ 10 બોલમાં 13 રન બનાવીને આઉટ થયા છે. સૂર્યકુમાર યાદવને મોહમ્મદ નવાઝે પોતાની જાળમાં ફંસાવી લીધો છે. સૂર્યા મોટો શૉટ મારવાના ચક્કરમાં બેકવર્ડ સ્ક્વાયર લેગ પર ઉભેલા આસિફ અલીને કેચ આપી બેઠા. ભારતનો સ્કોર 91/3. કોહલી અને ઋષભ પંત ક્રિઝ પર.

ભારતને બીજો મોટો ઝટકો, કે.એલ. રાહુલ આઉટ
ભારતની બીજી વિકેટ પડી ગઇ છે. કેપ્ટન રોહિત બાદ કે.એલ. રાહુલ 20 બોલમાં 28 રન બનાવીને આઉટ થઇ ગયો છે. રાહુલને શાદાબ ખાને મોહમ્મદ નવાઝના હાથે કેચ આઉટ કરાવ્યો છે. સૂર્યકુમાર અને કોહલી ક્રિઝ પર.

ભારતની પહેલી વિકેટ પડી, રોહિત શર્મા આઉટ
ભારતને પહેલો મોટો ઝટકો લાગી ચૂક્યો છે. કેપ્ટન રોહિત શર્માની વિકેટ પાકિસ્તાનને મળી ચૂકી છે. રોહિત હારિસ રઉફના બૉલ પર ખુશદલ શાહને કેચ આપી બેઠા. ભારતીય ટીમના કપ્તાન રોહિત શર્મા તાબડતોબ 16 બોલમાં 28 રન બનાવીને આઉટ થયા છે. વિરાટ કોહલી ક્રિઝ પર.

Two quick wickets for Pakistan 👀#INDvPAK | #AsiaCup2022 | 📝 Scorecard: https://t.co/tV9iUvu6z1 pic.twitter.com/pXzVM9iPJU

— ICC (@ICC) September 4, 2022

ભારતનો સ્કોર 50ને પાર
4.2 ઓવરમાં જ ભારતનો સ્કોર 50 પર પહોંચી ચૂક્યો છે. કે.એલ રાહુલ પણ રંગમાં દેખાઇ રહ્યો છે. 

રોહિતે પહેલી ઓવરમાં કરી તોફાની બેટિંગ
પહેલી ઓવરમાં કેપ્ટન રોહિત શર્માએ એક ચોગ્ગો અને એક છગ્ગો લગાવ્યો. ત્યારે કે.એલ રાહુલે એક રન બનાવ્યો.

ટીમમાં ત્રણ મોટાં ફેરફાર 
આજે એશિયા કપની સુપર 4 મેચમાં ભારત અને પાકિસ્તાન અમનેસામને છે. પાકિસ્તાને ટોસ જીતીને ભારતીય ટીમને પહેલા બેટિંગ કરવા આમંત્રણ આપ્યું છે. ટીમમાં ત્રણ મોટાં ફેરફાર કરવામાં આવ્યા છે. હુડા, બિશ્નોઈ અને પંતની ટીમમાં એન્ટ્રી થઈ છે. દિનેશ કાર્તિકની જગ્યાએ રિષભ પંત લેફતી બેટ્સમેન તરીકે રમશે. રવીન્દ્ર જાડેજાની જગ્યાએ હુડા ઓલરાઉન્ડર તરીકે રમશે. અને આવેશ ખાનની જગ્યાએ સ્પિનર રવિ બિશ્નોઈ રમશે. 

અગાઉ રમાયેલી મેચમાં હાર્દિક પંડયા અને રવીન્દ્ર જાડેજાની જોડીએ રોમાંચક મેચમાં ભારતને છેલ્લી ઓવરમાં વિજય અપાવ્યો હતો. આજે પણ મેચ ભારે રોમાંચક થાય એવી શક્યતા છે. આજે જો કે રવીન્દ્ર જડેજા  નહીં રમી શકે કારણ કે તે ઘૂંટણની ઇજાથી પીડાય છે અને સર્જરી કરવાની સલાહ ડોક્ટર્સ દ્વારા આપવામાં આવી છે. 

જડ્ડુ નહીં રમી શકે
તમને જણાવી દઈએ કે આ મેચ પહેલાટીમ ઈન્ડિયાના સ્ટાર ખેલાડી રવીન્દ્ર જાડેજા ઇજાગ્રસ્ત થયા છે અને એટલા માટ તેઓ મેચનો ભાગ નહીં બની શકે. 

આજે ટીમ ઈન્ડિયા અને પાકિસ્તાન ફરી એક વખત ક્રિકેટના મેદાન પર ઉતરશે અને બંને વચ્ચેની ટક્કર જોવા માટે ફેન્સ ઘણા ઉત્સુક છે. ટીમ ઈન્ડિયા ગત મેચની જેમ પાકિસ્તાનને માત આપવાની ઈચ્છા રાખીને મેદાનમાં ઉતરશે. 

એશિયા કપ માટે બંને ટીમના પ્લેઇંગ 11 - 
ભારત :રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, ઋષભ પંત, દીપક હુડા, હાર્દિક પંડ્યા, દિપક હુડા, રવિ બિશ્નોઈ, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર, અર્શદીપ સિંહ, અવેશ ખાન.

પાકિસ્તાનઃ બાબર આઝમ, શાદાબ ખાન, આસિફ અલી, ફખર જમાન, હૈદર અલી, હરિસ રઉફ, ઈફ્તિખાર અહેમદ, ખુશદિલ શાહ, મોહમ્મદ નવાઝ, મોહમ્મદ રિઝવાન, નસીમ શાહ, શાહનવાઝ દહાની, ઉસ્માન કાદિર, મોહમ્મદ હસનૈન, હસન અલી.