વિરાટ કોહલીની કપ્તાનીમાં ભારતીય ટીમ પહેલી બંને મૅચ હારી છે. પાકિસ્તાન અને ન્યૂઝીલેન્ડ વિરુદ્ધ બંને મૅચમાં કારમી હારનો સામનો કર્યો છે ત્યારે આશાનું કિરણ દેખાયું છે.
ભારત ન્યૂઝીલેન્ડ સામે ખરાબ રીતે હાર્યું
નેટ રન રેટ સુધરશે તો સેમિફાઇનલમાં ચાન્સ
અફઘાનિસ્તાન સામે આગલી મૅચ
સેમિફાઇનલ સુધી પહોંચી શકે છે ભારત?
ભારત આ ટી 20 વર્લ્ડકપમાં ગ્રુપ 2નો હિસ્સો છે. અહી પાકિસ્તાને પોતાની 3 મૅચ જીતી છે. ત્યારે તે સેમિફાઇનલમાં પહોંચશે ત્યારે ભારત બીજી ટીમ છે તો તેણે આવનારી ત્રણેય મૅચ મોટા અંતરથી જીતવી પડશે. ભારત હવે અફઘાનિસ્તાન, નામીબીયા અને સ્કોટલેન્ડ સામે મૅચ રમશે. જો ટીમ ઇન્ડિયા ત્રણેય મૅચ મોટા અંતરથી જીતશે અને પોતાનો નેટ રનરેટ સુધારશે તો સેમીફાઇનલમાં પહોંચવાના ચાન્સ છે.
શું છે નેટ રનરેટનું ગણિત
સતત બે મૅચ મોટા અંતરથી હાર્યા બાદ ભારતનો નેટ રનરેટ ઘણો નીચે જતો રહ્યો છે. આ સમયે ભારત પાસે 0 પોઇન્ટ છે અને નેટ રનરેટ -1.609 પહોંચી ગયો છે. ટીમ ઇન્ડિયાની તકલીફ અહીં જ પતશે નહી. અફઘાનિસ્તાન પહેલી 2 મૅચ જીતી છે અને તેનો રનરેટ +3.097 છે. અને તે ગ્રુપ 2નો હિસ્સો છે.
અફઘાનિસ્તાન પર નિર્ભર
ટીમ ઇન્ડિયાની આવતી મૅચ અફઘાનિસ્તાન સામે છે. જો ટીમ ઇન્ડિયા આ મૅચ પણ હારશે તો સેમિફાઇનલ સુધી જવાનો રસ્તો બંધ થઇ જશે પરંતુ જો મૅચ મોટા અંતરથી જીતશે અને અફઘાનિસ્તાન ન્યૂઝીલેન્ડને હરાવશે તો ઇન્ડિયા સેમિફાઇલમાં પહોંચી શકે છે.
વગર તૈયારીએ ઉતરી હતી ભારતીય ટીમ
આ મેચમાં ભારતીય ખેલાડીઓની રમત જોઈને લાગ્યું કે ગઇ મેચની હાર બાદ કંઇ ન શિખ્યા અને કોઈ તૈયારી ન કરી. પહેલા બેટિંગ કરતા સમયે ભારતીય બેટ્સમેને મોટા શૉટ લગાવવાના બદલે ગેપમાં રમવાની જરૂર હતી. આ સિવાય દુબઈના મોટા મેદાનમાં 2 રન ભાગવાની જરૂરિયાત ખુબજ વધુ હતી. ભારતીય બેટ્સમેને આનાથી વિપરીત રમત રમી. તમામ બેટ્સમેન પહેલા ડૉટ બોલ રમ્યા અને પછી મોટો શૉટ રમીને આઉટ થઇ ગયા. ત્યારે, બોલરોને પણ આ મેદાન પર સાચી લેન્થ નહોતી ખબર અને સતત નાના બોલ આપ્યા. આના કારણે ન્યૂઝીલેન્ડે સરળતાથી લક્ષ્યનો પીછો કરી લીધો
ટૉસ હારવો ભારે પડ્યું
દુબઈના મેદાન પર ટૉસનું મહત્વ ખુબ જ વધુ રહે છે અને સુપર-12ની તમામ મેચ બાદ બેટિંગ કરનારી ટીમો જ જીતે છે. આ મેચમાં એકવાર ફરી કેપ્ટન કોહલી ટૉસ હારી ગયા અને ન્યૂઝીલેન્ડે પહેલા બેટિંગ કરવાનો નિર્ણય કર્યો. પહેલી ઇનિંગમાં બેટિંગ દરમિયાન ભારતને રન બનાવવામાં મુશ્કેલી થઇ અને બાદમાં ઓસના કારણે બોલરેને પણ મુશ્કેલી થઇ. તેથી આ મેચમાં તમામ ભારતીય ખેલાડીઓનું પ્રદર્શન ખુબ જ સામાન્ય નજરે આવ્યું.