સ્પોર્ટસ / કોરોના વાયરસનાં કારણે કોચે ટીમ ઈન્ડિયાનાં ખેલાડીઓને ઘરેથી જ આપ્યું આ કામ

• દરેક ખેલાડીઓને ઘરે આપવામાં આવ્યું વર્કઆઉટ પ્લાન 
• જ્યારે પણ ક્રિકેટની શરૂઆત થાય ત્યારે ખેલાડીઓ ફીટ રહે તે માટે નિર્ણય 
• કોરોના વાયરસનાં કારણે રદ્દ થઇ ગઈ છે સ્પોર્ટસ ઈવેન્ટ્સ 

કોરોના વાયરસનાં બધા જ ખેલાડીઓ પોતપોતાના ઘરમાં છે. કેટલાય ખેલાડીઓએ ઘરેથી લોકોને અપીલ પણ કરી હતી. વિરાટ કોહલીએ પણ પત્ની સાથે વીડિયો પોસ્ટ કરીને લોકોને સલાહ આપી હતી. ત્યારે હવે આ ખેલાડીઓને પણ વર્ક ફ્રોમ હોમ મળી ગયું હોય તેવું લાગી રહ્યું છે. 

ઘરમાં રહીને ખેલાડીઓની ફિટનેસ પર અસર ન પડે તેને ધ્યાનમાં રાખી ખેલાડીઓને ઘરમાં જ કઈ રીતે વર્ક આઉટ કરવું તેની જાણકારી આપવામાં આવી છે જેથી ખેલાડીઓ ફીટ રહી શકે. લોકડાઉનનાં કારણે ખેલાડીઓ જિમ પણ નથી જઈ રહ્યા એવામાં ખેલાડીઓએ ઘરે  જ વર્કઆઉટ કરવાનું રહેશે. 

ટીમ ઈન્ડિયાનાં ફિજિયો નિતીન પટેલે આ ખેલાડીઓ માટે ખાસ ફિટનેસ રૂટીન બનાવ્યું છે. આ પ્લાન મુજબ દરેક ખેલાડીઓએ તેનો અમલ કરવાનો રહેશે અને તેની રિપોર્ટ પણ તૈયાર કરવામાં આવશે. બેટ્સમેન અને બોલર્સ માટે અલગ અલગ એકસરસાઈઝ બતાવવામાં આવી છે. 

નોંધનીય છે કે દરેક ખેલાડીની પસંદને પણ આ વર્કઆઉટમાં ધ્યાનમાં રાખવામાં આવ્યું છે. જેથી જ્યારે પણ આ ખેલાડીઓ ક્રિકેટનાં મેદાન પર ઉતરે ત્યારે સંપૂર્ણ ફીટ રહે અને શ્રેષ્ઠ પ્રદર્શન પણ આપી શકે. કોરોના વાયરસનાં કારણે હવે IPL પણ રદ્દ થઇ શકે છે તથા એશિયા કપ અને ટી 20 વર્લ્ડ કપ પર પણ સંકટની તલવાર લટકી રહી છે.