ભારતીય ક્રિકેટના ચાહકો માટે એક ખુશખબર સામે આવી છે. એક દિગ્ગજ ભારતીય ક્રિકેટર ટૂંક સમયમાં પિતા બનવાના છે. મુંબઈ ઈન્ડિયન્સે સોશિયલ મીડિયામાં એક તસ્વીર શેર કરી આ ખુશખબર પ્રશંસકોને આપી.
ભારતીય ક્રિકેટના ચાહકો માટે ખુશખબર
એક દિગ્ગજ ભારતીય ક્રિકેટર ટૂંક સમયમાં પિતા બનશે
મુંબઈ ઈન્ડિયન્સે સોશિયલ મીડિયામાં તસ્વીર કરી શેર
આ ભારતીય ખેલાડી બનવાના છે પિતા
ભારતીય ફાસ્ટ બોલર વિનય કુમાર ટૂંક સમયમાં પિતા બનવાના છે. વિનય કુમાર છેલ્લાં લાંબા સમયથી આંતરરાષ્ટ્રીય ક્રિકેટથી દૂર છે. પરંતુ તે એક વખત ફરીથી ચર્ચામાં આવી ગયા છે. વિનય કુમાર 2020 બાદ ઘરેલુ મેચથી દૂર છે. વિનય કુમાર પોતાની ઘાતક બોલિંગ માટે ઓળખાય છે, પરંતુ તેઓ વર્ષ 2013 બાદ ભારતીય ટીમનો ભાગ બની શક્યા નથી.
મુંબઈ ઈન્ડિયન્સે ક્રિકેટ પ્રેમીઓને આપી જાણકારી
મુંબઈ ઈન્ડિયન્સે તેના ટ્વિટર એકાઉન્ટ દ્વારા વિનય કુમાર પિતા બન્યાના શુભ સમાચાર ક્રિકેટ પ્રેમીઓને આપ્યાં. મુંબઈ ઈન્ડિયન્સે વિનય કુમાર અને તેની પત્ની રિચા સિંહની એક તસ્વીર શેર કરી. જેમાં સ્પષ્ટ રીતે જોઇ શકાય છે કે રિચા પ્રેગ્નેન્ટ છે અને તે બાળકને જન્મ આપવાની છે. મુંબઈ ઈન્ડિયન્સે તેના માટે બંનેને શુભેચ્છા પણ પાઠવી. વિનય કુમાર ભારતીય ટીમ માટે 1 ટેસ્ટ, 31 વન-ડે અને 9 ટી20 મેચ રમી ચૂક્યા છે. વિનયે અંતિમ ટી-20 આંતરરાષ્ટ્રીય મેચ ઓક્ટોબર 2013માં ઓસ્ટ્રેલિયા સામે રમી હતી. વિનય કુમાર ભારત માટે ઘરેલુ ક્રિકેટમાં એક જાણીતુ નામ છે, તેઓ કર્ણાટક તરફથી રમે છે. વિનય કુમારની પત્ની રિચા સિંહ બેંગ્લોરમાં સ્થિત ઈન્ટેગ્રિટી સ્પોર્ટસ કંપનીની ડાયરેક્ટર છે.