ભારતીય ક્રિકેટ ટીમે ઈતિહાસ રચી દીધો છે. ICC દ્વારા બુધવારે જાહેર કરાયેલ લેટેસ્ટ રેન્કિંગમાં ભારતીય ટીમ ટેસ્ટમાં નંબર-1 બની ગઇ છે. આ ઐતિહાસિક એટલા માટે છે કારણકે ભારતીય ટીમ અત્યારે ટી-20, વન-ડે અને ટેસ્ટ ત્રણેય ફોર્મેટમાં રેન્કિંગમાં પહેલા ક્રમાંકે છે.
ICCના લેટેસ્ટ રેન્કિંગમાં ભારતીય ટીમ ટેસ્ટમાં નંબર-1 બની ગઇ
હવે ટેસ્ટમાં ભારતના 115 રેટીંગ્સ પોઈન્ટ છે
ભારતીય ટીમ એકસાથે ત્રણેય ફોર્મેટમાં નંબર-1 ટીમ બની
ટીમ ઈન્ડિયા એકસાથે ત્રણેય ફોર્મેટમાં નંબર-1 ટીમ બની
ભારતીય ક્રિકેટના ઈતિહાસમાં આવુ પ્રથમ વખત બન્યું છે, જ્યારે ટીમ ઈન્ડિયા એકસાથે ત્રણેય ફોર્મેટમાં નંબર-1 ટીમ બની છે. આઈસીસી તરફથી દર બુધવારે લેટેસ્ટ રેન્કિંગ જાહેર કરવામાં આવે છે. નાગપુર ટેસ્ટ પૂર્ણ થયા બાદ આ પહેલી તક હતી જ્યારે રેન્કિંગ અપડેટ થયુ છે, કારણકે ભારતીય ટીમને અહીં બમ્પર ફાયદો થયો છે. હવે ટેસ્ટમાં ભારતના 115 રેટીંગ્સ પોઈન્ટ છે, જ્યારે ઓસ્ટ્રેલિયા નંબર-2 પર પહોંચી ગયુ છે અને તેના 111 રેટીંગ્સ પોઈન્ટ છે.
ક્રિકેટના ઈતિહાસમાં આ પહેલી વખત થયુ
ક્રિકેટના ઈતિહાસમાં આ પહેલી વખત થયુ છે જ્યારે કોઈ પુરૂષ ટીમ એકસાથે ત્રણેય ફોર્મેટમાં નંબર-1 બની હોય. ભારતીય ટીમ ટી20 અને વન-ડે ફોર્મેટમાં પહેલેથી જ નંબર-1 પર હતી. ઓસ્ટ્રેલિયા સામે ટેસ્ટ શ્રેણી શરૂ થતા પહેલા ટીમ ઈન્ડિયા ટેસ્ટમાં નંબર-2 પર હતી પરંતુ નાગપુરમાં ઈનિંગ અને 132 રનથી જીત મળ્યાં બાદ અહીં પણ ભારત નંબર-1 બની ગયુ.