સ્પોર્ટ્સ / શું પોન્ટિંગ-લેંગરને અપાઇ હતી ટીમ ઇન્ડિયાના નવા કોચ તરીકેની ઓફર? જય શાહે કર્યો ચોંકાવનારો ખુલાસો

ICC મેન્સ ટી20 વર્લ્ડ કપ 2024 1 જૂનથી લઈને 29 જૂન સુધી યુએસએ અને વેસ્ટઈન્ડીઝમાં રમાવાનો છે. ટી20 વર્લ્ડ કપની સાથે જ ટીમ ઈન્ડિયાના હેડ કોચ રાહુલ દ્રવિડનો કોન્ટ્રાક્ટ પુરો થવા જઈ રહ્યો છે. ભારતીય ક્રિકેટ નિયંત્રણ બોર્ડ (BCCI)એ નવા કોચ માટે અરજી પણ મંગાવી છે.

રાહુલ દ્રવિડ પણ અરજી કરવા માટે પાત્ર છે. પરંતુ રિપોર્ટ અનુસાર તે આ ભુમિકા માટે ફરી અરજી નહીં કરે. તેમણે ઘણા સમય પહેલા જ નક્કી કરી લીધુ હતું કે તે ટીમના હેડ કોચના રૂપમાં પોતાના કાર્યકાળને હવે ફરી નહીં વધારે.

આ વચ્ચે એવી ખબર આવી રહી હતી કે BCCIએ નવા કોચને લઈને પૂર્વ ઓસ્ટ્રેલિયન ખેલાડી રિકી પોન્ટિંગ અને જસ્ટિન લેંગરનો સંપર્ક કર્યો હતો. જોકે આ ખબર અફવાહ નિકળી છે. BCCIના સચિવ જય શાહે સ્પષ્ટ કરી દીધુ છે કે બોર્ડે ક્યારેય પણ કોઈ પણ ઓસ્ટ્રેલિયન ક્રિકેટરનો સંપર્ક નથી કર્યો.

BCCI યોગ્ય ઉમેદવારને પસંદ કરશેઃ જય શાહ

જય શાહે કહ્યું, "જ્યારે આપણે ઈન્ટરનેશનલ ક્રિકેટની વાત કરીએ છીએ તો ભારતીય ક્રિકેટ ટીમના હેડ કોચ કરતા વધારે પ્રતિષ્ઠિત ભુમિકા બીજી કોઈ નથી. ટીમ ઈન્ડિયાની પાસે વિશ્વ સ્તરીય ફેન બેસ છે. જેને મોટુ સમર્થન પ્રાપ્ત છે. આપણો સમૃદ્ધ ઈતિહાસ અને રમતના પ્રતિ જુનૂન તેને દુનિયાની સૌથી આકર્ષક જોબ્સમાંથી એક બનાવે છે. આ ભૂમિકા ઉચ્ચ સ્તરીય વ્યાવસાયિકતાની માંગ કરે છે. એક અરબ પ્રશંસકોની આકાંક્ષાઓને પુરી કરવી એક મોટુ સન્માન છે અને બીસીસઆઈ યોગ્ય ઉમેદવારને સિલેક્ટ કરશે જે ભારતીય ક્રિકેટને આગળ વધારવામાં સક્ષમ હોય. "

વધુ વાંચો: રિટાયરમેન્ટનો કરી રહ્યાં છો પ્લાનિંગ? તો અપનાવજો આ ફોર્મ્યુલા, વૃદ્ધાવસ્થાએ પણ નહીં પડે રૂપિયાની તકલીફ

જય શાહે આગળ કહ્યું, "મેં કે BCCI કોઈએ પણ પૂર્વ ઓસ્ટ્રેલિયન ક્રિકેટરનો સંપર્ક નથી કર્યો. અમુક મીડિયા સેક્શન્સમાં પ્રસારિત રિપોર્ટ્સ સંપૂર્ણ રીતે ખોટા છે. આપણી રાષ્ટ્રીય ટીમ માટે યોગ્ય કોચ શોધવો એક સાવધાનીપૂર્વક અને ગહન પ્રક્રિયા છે. એક એવા લોકોની ઓળખ કરવા પર ધ્યાન કેન્દ્રીત કરી રહ્યા છીએ જે ભારતીય ક્રિકેટ સંરચનાની ઉંડી સમજ રાખે છે અને રેંકોમાં આગળ વધ્યા છે. ટીમ ઈન્ડિયાને વાસ્તવમાં નેક્સ્ટ લેવલ સુધી લઈ જવા માટે આ મહત્વપૂર્ણ છે કે આપણા કોચને આપણા ઘરેલૂ ક્રિકેટ ઢાંચાનું સારૂ જ્ઞાન હોય."