ભારતીય ટીમના ઓલરાઉન્ડર ક્રિકેટર હાર્દિક પંડ્યા ફિટનેસની સમસ્યાથી ઝઝૂમી રહ્યાં છે. જો હાર્દિક પંડ્યાએ ટૂંક સમયમાં બોલિંગ શરૂ ના કરી તો તેની જગ્યાએ ભારતીય ટીમ મેનેજમેન્ટ કોઈ અન્ય ઓલરાઉન્ડરને તક આપવાનું વિચારશે.
હાર્દિક પંડ્યા ટૂંક સમયમાં બોલિંગ શરૂ નહીં કરે તો થશે આ નવાજૂની
ભારતીય ટીમ મેનેજમેન્ટ કોઈ અન્ય ઓલરાઉન્ડરને તક આપવાનું વિચારશે
IPL 2021માં સારું પ્રદર્શન કરનાર આ ખેલાડી બેટીંગ અને બોલિંગમાં માહેર
વેન્કટેશ ઐયર બેટીંગ સિવાય બોલિંગમાં પણ માહેર
IPL 2021માં શાનદાર પ્રદર્શન કરી આ ખેલાડી ખૂબ ચર્ચામાં આવ્યો છે. કોલકત્તા નાઈટ રાઈડર્સના બેટ્સમેન વેન્કટેશ ઐયરે સૌ કોઈનું ધ્યાન પોતાની તરફ આકર્ષિત કર્યુ છે. વેન્કટેશ ઐયર આક્રમક બેટીંગ સિવાય સારી બોલિંગ કરવામાં માહેર છે. દિલ્હી કેપિટલ્સની સામે વેન્કટેશ ઐયરે મંગળવારે રમવામાં આવેલી IPL મેચમાં સારી બોલિંગ કરી પ્રશંસકોનું દિલ જીતી લીધુ.
બેટીંગ અને બોલિંગમાં માહેર ખેલાડી
વેન્કટેશ ઐયરે દિલ્હી કેપિટલ્સની સામે શિમરોન હેટમાયર અને અક્ષર પટેલની વિકેટ લીધી. વેન્કટેશ ઐયરે 4 ઓવરમાં 29 રન આપી 2 વિકેટ લીધી. જમોણી એવા ફાસ્ટ બોલર અને ઓલરાઉન્ડર વેન્કટેશ ઐયરે બોલર તરીકે ટી-20માં સારો રેકોર્ડ બનાવ્યો છે. ઐયરે 41 મેચોમાં 26ની સરેરાશથી અને 6.95ની સરેરાશથી 21 વિકેટ લીધી છે. વેન્કટેશ ઐયર 10 ફર્સ્ટ ક્લાસ મેચોમાં 7 અને 24 લિસ્ટ એ મેચમાં 5.50ની સરેરાશથી 10 વિકેટ લીધી છે. વેન્કટેશ ઐયરના સારા પ્રભાવથી પ્રતિત થઇ રહ્યું છે કે તેઓ હાર્દિક પંડ્યા માટે સારો વિકલ્પ સાબિત થઇ શકે છે.
17 ઓક્ટોબરથી શરૂ થશે ટી-20 વર્લ્ડ કપ
ICC T20 World Cupનું આયોજન 17 ઓક્ટોબરથી યુએઈમાં થશે. આ ટુર્નામેન્ટમાં 16 ટીમો ભાગ લેશે. જ્યારે આ ટુર્નામેન્ટની ફાઈનલ મેચ 16 નવેમ્બરે રમાશે. જોકે, બીસીસીઆઈએ સત્તાવાર રીતે તેનો ખુલાસો કર્યો નથી. આ ટુર્નામેન્ટ આઈપીએલ ફાઈનલના થોડા દિવસ બાદ શરૂ થશે.