ટીમ ઈન્ડિયાને ટી-20 વર્લ્ડકપ 2024 માટે ડાયરેક્ટ એન્ટ્રી મળી ગઈ છે. ICC દ્વારા મંગળવારે આ વાતનું એલાન કરવામાં આવ્યું હતું.
ટીમ ઈન્ડિયાની વર્લ્ડકપ '24માં ભવ્ય એન્ટ્રી
ICC દ્વારા કરવામાં આવ્યું એલાન
ટોપ 6 ટીમોને મળે છે ડાયરેક્ટ એન્ટ્રી
ભારતીય મહિલા ક્રિકેટ ટીમ આ વખતે ટી-20 વર્લ્ડ કપનાં સેમીફાઈનલ સુધી પહોંચી હતી. ટીમ ઈન્ડિયા ભલે ઑસ્ટ્રેલિયાથી હારી ગઈ હોય પરંતુ તેને સેમીફાઈનલ સુધી પહોંચવાનો ફાયદો ચોક્કસથી મળ્યો છે. 2024માં બાંગ્લાદેશમાં થનારી ટી-20 વર્લ્ડકપમાં ટીમ ઈન્ડિયાને ડાયરેક્ટ એન્ટ્રી મળી ગઈ છે.
ટોપ 3માં બનાવી જગ્યા
વર્લ્ડ કપ 2023નાં ગ્રુપમાં ટોપ-6માં રહેનારી ટીમોને આવનારાં વર્લ્ડકપમાં ડાયરેક્ટ એન્ટ્રી મળે છે. ભારતીય ટીમે પોતાના ગ્રુપમાં ટોપ-3માં જગ્યા બનાવી હતી. તેવામાં બંને ગ્રુપની ટોપ-6 ટીમોની સાથે-સાથે બાંગ્લાદેશ અને પાકિસ્તાનને પણ આવનારાં વર્લ્ડકપમાં એન્ટ્રી મળી છે.
આ ટીમોને વર્લ્ડકપમાં એન્ટ્રી
વર્લ્ડકપ માટે ગ્રુપ-1થી ઑસ્ટ્રેલિયા, ન્યૂઝીલેન્ડ અને સાઉથ આફ્રિકાને એન્ટ્રી મળી છે. જ્યારે ગ્રુપ -2 માંથી ઈંગ્લેન્ડ, ભારત, વેસ્ટઈન્ડિઝને એન્ટ્રી મળી છે. આ ટી-20 વર્લ્ડ કપમાં ભાગ લેનારી ટીમોમાં શ્રીલંકા અને આયરલેન્ડ જ એવી ટીમો છે જે આવનારાં વર્લ્ડ કપ માટે ક્વોલિફાઈ નથી કરી શકી... હવે ટી-20 વર્લ્ડકપ 2024 માટે ICC દ્વારા ક્વાલિફાયરનું આયોજન કરવામાં આવશે જેનાથી 2 ટીમોની પસંદગી થશે.