IND vs NZ / કાનપુર ટેસ્ટના ચોથા દિવસે ટીમ ઇન્ડિયાનો ફિયાસ્કો, એકવાર ફરી શ્રેયસે સંભાળી બાજી

ભારત અને ન્યુઝીલેન્ડ વચ્ચે બે મેચની ટેસ્ટ શ્રેણીની પ્રથમ મેચ કાનપુરના ગ્રીન પાર્ક સ્ટેડિયમમાં રમાઈ રહી છે. ચોથા દિવસે સવાર સવારમાં જ ભારતીય ટીમનો મિનિ ફિયાસ્કો થયો હતો. ભારતની ટીમે માત્ર 51 રનના સ્કોર પર પાંચ વિકેટ્સ ગુમાવી દીધી હતી. ભારત તરફથી ઓપનર શુભમન ગિલ માત્ર એક રનના વ્યક્તિગત સ્કોર પર આઉટ થયો હતો અને કેપ્ટન રહાણે પણ ખરાબ ફોર્મ યથાવત રાખતા માત્ર ચાર જ રન બનાવી શક્યો હતો. 

લાંચ પહેલા તો ભારતની ટીમ મુશ્કેલીમાં મુકાઇ ગઈ હતી. પરંતુ આખરે પ્રથમ ઇનિંગના હીરો સેન્ચ્યુરી બોય શ્રેયસ ઐય્યર અને રવિચંદ્રન અશ્વિને બાજી સંભાળતા ટીમના સ્કોર બોર્ડને ફરતું રાખવાની સાથે થોડી સ્થિરતા અપાવી હતી. 

That will be Lunch on Day 4 of the 1st Test.#TeamIndia 345 & 84/5, lead New Zealand (296) by 133 runs.

Scorecard - https://t.co/WRsJCUhS2d #INDvNZ @Paytm pic.twitter.com/VdJmIvzoSA

— BCCI (@BCCI) November 28, 2021

દોઢસો રનની લીડ 

ભારત બને એટલો વધારે અને ઝડપથી સારો સ્કોર કરીને ન્યુઝીલેન્ડને આખરી ઇનિંગમાં રમવા માટે ઉતારવાનો ટાર્ગેટ રાખશે. ભારતે 150 કરતાં વધારે રનની લીડ હાંસલ કરી લીધી હતી. 

ત્રીજા દિવસની રમત પૂરી થાય તે પહેલા ટીમ ઈન્ડિયાએ ન્યૂઝીલેન્ડનો પ્રથમ દાવ 296 રનમાં સમેટી લીધો હતો. ભારત હવે ચોથા દિવસે ન્યુઝીલેન્ડ પર મોટી લીડ લેવાનો પ્રયાસ કરશે.

ટીમ ઈન્ડિયાએ ગઈ કાલે જ લીડ મેળવી લીધી હતી 
ભારતની બીજી ઇનિંગમાં શુભમન ગિલ અને મયંક અગ્રવાલે ઓપનિંગ કર્યું હતું, પરંતુ ગિલ 1 રન બનાવીને કાયલ જેમસનના બોલનો શિકાર બન્યો હતો. ચોથા દિવસની શરૂઆત થતા જ ટીમ ઈન્ડિયા મોટી મુશ્કેલીમાં ફસાઈ ગઈ છે. જ્યારે આ ટીમ મેચ જીતવા તરફ આગળ વધી રહી હતી, ત્યારે હવે એક પછી એક આ ટીમે તેની પાંચ વિકેટ ગુમાવી દીધી હતી.  ટીમ ઈન્ડિયાએ પાંચ વિકેટના નુકસાન પર 88 રન બનાવી લીધા છે. ભારત તરફથી શ્રેયસ અય્યર અને રવિચંદ્રન અશ્વિન લંચ બાદ ક્રિઝ પર હાજર હતા.

આ મેચમાં ટિમ સાઉથીએ મેચમાં ખતરનાક બોલિંગ કરી છે. તેણે પોતાની એક ઓવરમાં બે વિકેટ ઝડપી હતી.અને ભારતને મોટો ઝટકો આપ્યો હતો. 

ન્યુઝીલેન્ડ 296 રનમાં ઓલઆઉટ
ન્યૂઝીલેન્ડ તરફથી પ્રથમ ઇનિંગમાં ટોમ લાથમે 95 અને વિલ યંગે 89 રનની શાનદાર ઇનિંગ રમી હતી પરંતુ ત્રીજા દિવસે તે ભારતીય બોલરો સામે ટકી શક્યો નહોતો. કિવિ કેપ્ટન કેન વિલિયમસન પણ 18 રન બનાવીને આઉટ થયો હતો. શનિવારે ન્યૂઝીલેન્ડનો મિડલ અને લોઅર ઓર્ડર સંપૂર્ણપણે વિખેરાઈ ગયો હતો. કીવી ટીમે પ્રથમ દાવમાં 296 રન બનાવ્યા અને આ રીતે ટીમ ઈન્ડિયાને 49 રનની લીડ અપાવી.