ક્રિકેટ / ભારત ન્યુઝિલેન્ડ બીજી ટેસ્ટ: ફરી બેટિંગમાં ધબડકો; ટીમ ઇન્ડિયા ઉપર હારનું સંકટ

ક્રાઇસ્ટચર્ચમાં ભારત અને ન્યુઝીલેન્ડ વચ્ચે રમાઈ રહેલી બીજી ટેસ્ટના બીજા દિવસે ટીમ ઈન્ડિયા મુશ્કેલીમાં મૂકાઈ ગઈ છે. પ્રથમ ઇનિંગ્સમાં યજમાન સામે માત્ર સાત રનની લીડ લીધા બાદ ભારતીય બેટિંગની બીજી ઇનિંગ્સમાં હવા નીકળી ગઈ હતી અને દિવસની અંતે ભારતે માત્ર 90 રન બનાવીને છ વિકેટ ગુમાવી દીધી છે. 

હાલ હનુમા વિહારી 5 અને રિષભ પંત 1 રન પર છે. કુલ લીડ માત્ર 97 રનની છે. એવું કહી શકાય કે ભારત હાર તરફ આગળ વધી રહ્યું છે. ટ્રેન્ટ બોલ્ટ ભારતની આ સ્થિતિ માટે જવાબદાર છે જેણે ત્રણ વિકેટ લીધી હતી. બોલ્ટે માત્ર 9 ઓવરમાં 12 રન આપીને ત્રણ વિકેટ ઝડપી હતી અને તે ભારતીય બેટ્સમેનો માટે ખૂબ જ ઘાતક સાબિત થયો હતો. 

ન્યૂઝીલેન્ડ તેની પ્રથમ ઇનિંગ્સમાં 235 રનમાં આઉટ થઈ ગયું હતું. આ રીતે ભારતને સાત રનની નહિવત લીડ મળી. ટોમ લેથમે કિવિ ટીમ માટે 52 અને નીચલા ઓર્ડરમાં કાયલે જેમિસને 49 રન બનાવ્યા હતા. ભારત તરફથી મોહમ્મદ શમીએ ચાર અને બુમરાહે ત્રણ વિકેટ ઝડપી હતી જ્યારે રવિન્દ્ર જાડેજાએ બે બેટ્સમેનને આઉટ કર્યા હતા અને ઉમેશ યાદવને એક વિકેટ મળી હતી.

ભારતની બીજી ઇનિંગ્સની વાત કરીએ તો ટીમ ઈન્ડિયાની શરૂઆત ખરાબ રહી હતી અને મયંક અગ્રવાલની વિકેટ 8 રન પર પડી હતી જ્યારે શો 26 રને પેવેલિયન પરત ફર્યો હતો. એકંદરે, કોઈ પણ બેટ્સમેન લાંબા સમય માટે પિચ પર ટકી શક્યો નહીં અને નિયમિત અંતરાલે વિકેટ પડતી રહી. કેપ્ટન કોહલી 51, રહાણે 72, પૂજારા 84 અને યાદવ 89 રનના કુલ સ્કોર પર પેવેલિયન પરત ફર્યા હતા.

ન્યુઝીલેન્ડે તેની પ્રથમ ઇનિંગ્સમાં 235 રન બનાવ્યા હતા. ભારતે પ્રથમ દાવમાં 242 રન બનાવ્યા હતા. 63 રનથી દિવસની શરૂઆત કરનારી કિવિ ટીમ માટે ટોમ લેથમે 122 બોલમાં 52 ચોગ્ગા ફટકાર્યા હતા. તેના સિવાય ઝડપી બોલર કાયલ જેમ્સને ફરી એક વખત શાનદાર બેટિંગ કરતા 49 રન બનાવ્યા હતા.

પોતાની ઇનિંગ્સમાં જેમ્સને 63 બોલનો સામનો કર્યો અને સાત ચોગ્ગા ફટકાર્યા. જેમ્સનના આધારે કિવિ ટીમ 200 ના આંકડાને પાર કરી શકી હતી કારણ કે એક સમયે તેઓએ 188 રનમાં આઠ વિકેટ ગુમાવી દીધી હતી. જેમ્સનને નીલ વેગનરનો પણ સારો સાથ મળ્યો જેણે 41 બોલમાં 21 રન બનાવ્યા.

નોંધનીય છે કે બે મેચની સિરીઝમાં ભારત પહેલેથી જ 0-1થી પાછળ છે.