વિરાટ કોહલીની આગેવાનીમાં આજે ટીમ ઈન્ડિયા ન્યૂઝીલેન્ડ વિરુદ્ધ રવિવારે મેદાનમાં ઉતરવાનીની છે ત્યારે ભારત પાસે આજે ઈતિહાસ રચી દેવાનો મોકો છે. ભારત આ સીરીઝમાં અત્યાર સુધીની બધી જ મેચ જીતી ચુક્યું છે તેથી ભારત પાસે ક્લીન સ્વીપ કરવાની તક છે.
ન્યૂઝીલેન્ડ છેલ્લી 6 T 20માં એક પણ જીતી ન શક્યું
ભારત સતત છેલ્લી 8 T 20 મેચમાં અજેય રહ્યું
ભારતીય કેપ્ટન વિરાટ કોહલી પાસે સિક્સરનો રેકોર્ડ બનાવવાની તક
સીરીઝમાં ભારત 4-0થી આગળ ભારત આગળ ચાલી રહ્યું છે જો આજે મેચ જીતી જાય છે તો કોઈ દ્વિપક્ષીય T 20 સીરીઝને 5-0થી જીતનાર ભારત પ્રથમ દેશ બની જશે. સાથે જ જો ન્યૂઝીલેન્ડ આજે હારે છે તો કોઈ ટીમેં વગર જીતે 5 કે તેથી વધુ મેચ ગુમાવી હોય તેવી ચોથી ઘટના બનશે.
આ સીરીઝમાં ન્યૂઝીલેન્ડના નસીબે પણ સાથ ન આપ્યો. કારણ કે છેલ્લી બે મેચ ડ્રો થઇ અને સુપરઓવરમાં ન્યૂઝીલેન્ડને હારનો સામનો કરવો પડ્યો. નોંધનીય છે કે માઉન્ટ મોંગાનુઈમાં અત્યાર સુધી જેટલી મેચ રમવામાં આવી છે તે બધી મેચમાં પહેલાં બેટિંગ કરનાર દેશ જ વિજેતા બન્યો છે. આ સિવાય અહિયાં ન્યૂઝીલેન્ડની ટીમે ખુબ સારું પ્રદર્શન કર્યું છે. આ ટીમ અહિયાં 5માંથી 4 મેચ જીત્યું છે.
આ મેચમાં રોસ ટેલર 100 T 20 ઇન્ટરનેશનલ મેચ રમનાર ત્રીજા ખેલાડી બની જશે. આ સાથે ભારતનાં કેપ્ટન વિરાટ કોહલી પાસે પણ આજે અનોખો રેકોર્ડ બનાવવાની તક છે. વિરાટ કોહલી T 20 ઇન્ટરનેશનલ મેચમાં 50 સિક્સર કરવાથી માત્ર 6 સિક્સ દૂર છે. આ રેકોર્ડ અત્યારે માત્ર ઈયોન મોર્ગનનાં નામે જ છે.
આજની મેચમાં જીત હાંસલ કરીને ભારત અનોખા રેકોર્ડ્સની લાઈન લગાવી શકે છે. ન્યૂઝીલેન્ડ સામે સૌથી વધુ જીત મેળવનાર દેશ બની શકે છે. અત્યારે ઓસ્ટ્રેલિયા પાસે આ રેકોર્ડ છે. ન્યૂઝીલેન્ડની ટીમનાં ટિમ સાઉદી પાસે આજે T 20 ક્રિકેટમાં 200 વિકેટ પૂરાં કરી શકે છે. આ રેકોર્ડથી તે માત્ર 5 વિકેટ દૂર છે