ક્રિકેટ / હિટમેન કેપ્ટન બનતા જ ભારતે રચ્યો ઇતિહાસ, ઓસ્ટ્રેલિયાને પછાડીને બનાવ્યો નવો રેકોર્ડ

• નવા કેપ્ટન રોહિત શર્માની ટીમની શાનદાર જીત 
• પ્રથમ મેચમાં જ ટીમે બનાવ્યો રેકોર્ડ 
• ચેઝમાં 50 જીત મેળવનાર પ્રથમ ટીમ 

હિટમેન રોહિત શર્માએ ટી20 કેપ્ટન તરીકે પોતાની પ્રથમ મેચમાં જ ટીમ ઈન્ડિયાને ન્યૂઝીલેન્ડ સામે શાનદાર જીત અપાવી હતી.

બુધવારે જયપુરમાં રમાયેલી આ મેચમાં ભારતે ન્યૂઝીલેન્ડને 5 વિકેટે હરાવીને ત્રણ મેચની T20 શ્રેણીમાં 1-0ની સરસાઈ મેળવી લીધી છે. આ જીત સાથે ભારતે વિશ્વની સૌથી શક્તિશાળી ટીમોમાંની એક ઓસ્ટ્રેલિયાને પાછળ છોડીને એક વર્લ્ડ રેકોર્ડ બનાવ્યો છે.

ટીમ ઈન્ડિયાએ બનાવ્યો વર્લ્ડ રેકોર્ડ

ટીમ ઈન્ડિયાએ ઈતિહાસ રચતા શાનદાર પ્રદર્શન કર્યું છે. બુધવારે ન્યૂઝીલેન્ડ સામેની જીત સાથે, ભારતીય ટીમે લક્ષ્યનો પીછો કરતા એટલે કે ચેઝ કરતાં T20 ફોર્મેટમાં તેની 50મી જીત નોંધાવી છે. આ પહેલા કોઈ ટીમ આવું કરી શકી નથી. ભારત પછી ઓસ્ટ્રેલિયા અને પાકિસ્તાનનો નંબર આવે છે, જેમણે લક્ષ્યનો પીછો કરતા T20 ફોર્મેટમાં અત્યાર સુધી 49 મેચ જીતી છે.

ચેઝ કરતી વખતે સૌથી વધુ જીત (T20I માં)

50 - ભારત
49 – ઓસ્ટ્રેલિયા
49 - પાકિસ્તાન
42 - ઈંગ્લેન્ડ
35 - દક્ષિણ આફ્રિકા
32 - ન્યુઝીલેન્ડ
31 - શ્રીલંકા
31 – વેસ્ટ ઈન્ડિઝ
25 – આયર્લેન્ડ
23 - નેધરલેન્ડ
22 - અફઘાનિસ્તાન
22 - બાંગ્લાદેશ