206 બોલમાં 109 રન બનાવીને તેની 52મી પ્રથમ શ્રેણી સદી ફટકારી
પૂજારાએ કરી કમાલ
પૂજારા બેટર તરીકે સારું પર્ફોમન્સ આપી રહ્યાં નથી. જેના કારણે ટેસ્ટ ટીમમાંથી તેમને ડ્રોપ કરી દેવામાં આવ્યાં. જો કે, હવે આ ખેલાડી એક વખત ફરીથી તગડા ફોર્મમાં વાપસી કરી ચૂક્યા છે. વર્તમાન કાઉન્ટી સીઝનમાં પૂજારાએ ધમાકેદાર બેટિંગ કરી છે. દેશના અનુભવી ક્રિકેટર ચેતેશ્વર પૂજારાએ ઈંગ્લિશ કાઉન્ટી ચેમ્પિયનશીપમાં શાનદાર ફોર્મ રમી વોરસેસ્ટરશરની સામે સસેક્સ માટે સતત બીજી સદી ફટકારી પરંતુ તેમની ટીમને ફૉલો-ઑનથી બચાવી શક્યા નહીં. પુજારાએ 206 બોલમાં 109 રન બનાવીને તેની 52મી પ્રથમ શ્રેણી સદી ફટકારી. તેણે સત્રની પ્રથમ મેચમાં ડર્બીશરની સામે અણનમ 201 રન બનાવ્યાં હતા.
પૂજારાએ ફરીથી લાંબી ઈનિંગ રમી
પૂજારાની ઈનિંગમાં 16 બાઉન્ડ્રી સામેલ હતી. જેનાથી તે વૉરસેસ્ટરશરની પહેલી ઈનિંગમાં 491 રનના જવાબમાં સસેક્સને 269 રનના સ્કોર સુધી પહોંચાડવામાં સફળ રહ્યાં. બીજા દિવસે 85 રન કરી બેટીંગ કરી રહેલા પૂજારાએ ત્રીજા દિવસે બીજા ડિવિઝનની સરખામણીમાં પુલ શૉટથી તેની સદી પૂર્ણ કરી. જો પૂજારા રન બનાવશે તો ભારતીય ટીમમાં સ્થાન પાક્કુ કરવાની રેસમાં સ્થાન જાળવી રાખશે. કારણકે ટીમ પહેલાની અધૂરી રહેલી સિરીઝના પાંચમી ટેસ્ટ માટે ઈંગ્લેન્ડ આવશે. આંતરરાષ્ટ્રીય ક્રિકેટમાં લાંબા સમય સુધી નબળા ફોર્મને કારણે પૂજારાને ભારતીય ટેસ્ટ ટીમમાંથી આઉટ કરી દેવામાં આવ્યાં હતા.