ચૂંટણી કામગીરીમાં લાગેલા શિક્ષકોને બસમાં ઠુસી-ઠુસીને ભરવામાં આવ્યા હતા. સામાજિક અંતરના ધજાગરા ઉડ્યા હતા.
અમદાવાદના શિક્ષકોનો વીડિયો વાયરલ
ચૂંટણીની કામગીરીમાં કોવિડના નિયમનો ભંગ
શિક્ષકોને બસમાં ઠુસી ઠુસીને ભરવામાં આવ્યા
અમદાવાદમાં ચૂંટણીને લઈને ચૂંટણી પંચ દ્વારા કાર્યવાહી શરૂ કરી દેવામાં આવી છે. ત્યારે આજે ચૂંટણીની કામગીરીમાં લઈ જવાતા શિક્ષકોનો વીડિયો વાયરલ થયો હતો. શિક્ષકોને બસમાં લઈ જતો વીડિયો સોશિયલ મીડિયામાં વાયરલ થયો હતો. બસમાં શિક્ષકોને ઠુસી-ઠુસીને ભરવામાં આવ્યા હતા. સામાજિક અંતરના ધજાગરા ઉડ્યા હતા.
આ અંગે શિક્ષકોએ એક જ બસમાં પરાણે વધારે લોકોને ભર્યા હોવાનો આક્ષેપ પણ કર્યો હતો. ઉલ્લેખનીય છે કે, બસમાં સવાર એક શિક્ષકે જ આ વીડિયો બનાવી વાયરલ કર્યો હતો. મહત્વનું છે કે, ગુજરાતમાં હજુ પણ કોરોના એક્ટિવ છે. AMAના ડૉક્ટરો દ્વારા પણ અવાર-નવાર સાવચેતીના પગલા રાખવા માટે કહેવામાં આવ્યું છે. ચૂંટણી અગાઉ પણ ડૉક્ટરોએ કહ્યું હતું કે, જો ચૂંટણી પ્રચાર કે, મતદાનની કામગીરીમાં ગાઈડ-લાઈનનું પાલન કરવામાં આવશે નહીં. તો તેનું ખરાબ પરિણામ જોવા તૈયાર રહેવું પડશે.