ભણતર / VIDEO: આ રીતે ઘડિયા શીખીએ તો કોને ન આવડે! લોકોને ખૂબ ગમ્યા મંજીરાવાળા માસ્તરજી

• સોશિયલ મીડિયા પર વાયરલ થઈ રહ્યો છે આ વીડિયો 
• લોકોને ખૂબ જ પસંદ આવી રહ્યા છે મંજીરા વાળા માસ્તરજી 
• બાળકોને મંજીરાના તાલે ભણાવી રહ્યા છે શિક્ષક 

સ્કૂલમાં નાના નાના બાળકોને કંટ્રોલ કરવા અને તેમને ભણાવવા સરળ કામ નથી. દરરોજ બુક્સમાંથી ભણાવવુ અને બાળકોને સમજાવવું શિક્ષક માટે એક મોટો ટાસ્ક હોય છે. અમુક ટિચર્સ એવા પણ હોય છે જે ફક્ત પુસ્તક દ્વારા અભ્યાસ કરાવે છે તો અમુક ટિચર્સ એવા પણ હોય છે જે બાળકોને ત્યાં સુધી ભણાવે છે જ્યાં સુધી તેમને તે વસ્તુ સમજ ના આવી જાય. 

તેના માટે તેઓ ભણાવવાની રોજ અલગ અલગ રીતો લઈને આવે છે. હાલમાં જ એક એવો જ વીડિયો સોશિયલ મીડિયા પર વાયરલ થઈ રહ્યો છે જેમાં બાળકોને અભ્યાસ કરાવવાની ટીચરની શાનદાર રીત લોકોને ખૂબ જ પસંદ આવી રહી છે. 

हिन्दी के बाद अब मिलिए गणित के गुरुजी से... 👌😅 pic.twitter.com/JWYTbUhadf

— अंकित यादव बोझा (@Ankitydv92) November 7, 2022

હાથમાં મંજીરા લઈને ભણાવે છે શિક્ષક 
વીડિયોમાં એક શિક્ષક દ્વારા બાળકોને ભજન કીર્તનની રીતે ભણાવવામાં આવી રહ્યા છે. શિક્ષક દ્વારા બાળકોને ભણાવતી વખતે કોઈએ આ વીડિયો બનાવી લીધો જે હવે સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વીડિયોમાં ટીચર દ્વારા બાળકોને અભ્યાસ કરાવવાની અદ્ભૂત રીત લોકોનું ધ્યાન પોતાની તરફ ખેંચી રહી છે. 

મોટાભાગે ઈન્ટરનેટ પર ઘણા વીડિયો વાયરલ થતા રહેતા હોય છે. જેમાં ટીચર બાળકોને અભ્યાસ કરાવવા માટે નવી નવી રીતો અપનાવે છે. જેવું કે વાયરલ વીડિયોમાં જોઈ શકાય છે. વીડિયોમાં ટીચર હાથમાં મંજીરા વગાડતા તેના તાલ પર તાલ મિલાવતા ઘડિયા ભણાવી રહ્યા છે. 

લોકોને ખૂબ પસંદ આવી આ રીત 
ટીચરનો ભણાવવાનો આ અંદાજ લોકોને ખૂબ જ પસંદ આવી રહ્યો છે. વીડિયોમાં બાળકના ચહેરા પર સુંદર સ્માઈલ જોવા મળી રહી છે. સોશિયલ મીડિયા પ્લેટફોર્મ ટ્વીટર પર આ વીડિયોને લોકો લાઈક કરી રહ્યા છે. વીડિયોને શેર કરતા શખ્સે કેપ્શનમાં લખ્યું છે. 'હિન્દી બાદ હવે મળો ગણિતના ગુરૂજીને'