ટીચર્સ ડે / ગુરુ બિના જ્ઞાન કૈસા ! ગુજરાતી કલાકારોએ આ રીતે યાદ કર્યાં પોતાના ગુરુઓને, વરસાવ્યો ભારે સ્નેહ

શિક્ષક દિવસના દિવસે શાળા કોલેજમાં વિશેષ કાર્યક્રમ આયોજીત થાય છે. જેમા સ્ટુડન્ટ્સ ટીચર્સ પર સ્પીચ પણ આપે છે. આ દિવસ શિક્ષકો પ્રત્યે પ્રેમ અને સન્માન પ્રગટ કરવાનો દિવસ હોય છે. શિક્ષક દિવસ પર દેશમાં શિક્ષકોના અદ્વિતીય યોગદાનને પ્રોત્સાહિત અને તમામ શિક્ષકોને સમ્માનિત કરવામાં આવે છે. જેમણે પોતાની પ્રતિબદ્ધતા અને સમર્પણની મદદથી શિક્ષણની ગુણવત્તામાં સુધારો કર્યો છે અને વિદ્યાર્થીઓને સારું શિક્ષણ આપ્યું છે.

આજે, શિક્ષક દિવસ પર, દરેકને તેમના શિક્ષકોને યાદ કરવાનો અનોખો અનુભવ થતો હશે. જ્યારે એવા ગુજરાતી સ્ટાર્સ છે જેમના ચાહકો અસંખ્ય છે. VTV એ ગુજરાતી ફિલ્મ સ્ટાર સાથે તેમના શિક્ષકોની યાદો વિશે વાત કરી. તેમનો આનંદ સ્પષ્ટ હતો કારણ કે તેમણે તે ખાસ ક્ષણો અને તેમના શિક્ષકોના તેમના યોગદાન વિશે યાદ કરાવ્યું હતું. હવે, ચાલો જાણીએ કે તમારા મનપસંદ સ્ટારના પ્રિય શિક્ષક કોણ છે!

'આજે પણ ગણિતના એ શિક્ષકની વાત યાદ છે'

'ઇશ્ક હૈ તો રિસ્ક હૈ'નો આ ડાઇલોગ વાંચતાની સાથે જ તમે ઓળખી ગયા હશો કે હું કોનો ઉલ્લેખ કરી રહ્યો છું, બધાના પ્રિય, પ્રતિક ગાંધી, જેમણે વેબ સિરિઝ 'સ્કેમ 1992'થી દરેકના દિલ જીતી લીધા છે. અત્યારે પણ જ્યારે તેમની એક ફિલ્મ રિલીઝ થાય છે ત્યારે ઘણા દર્શકોને ખાસ આનંદ આપે છે. તે તેમના અંગત જીવનમાં પણ તેમની ભૂમિકાઓની જેમ રહે છે, પ્રતિક ગાંધી શિક્ષક દિવસ અને તેમના શિક્ષકોને પ્રેમથી યાદ કરતા તે જણાવે છે, "મારા જીવનમાં તમામ શિક્ષકોએ મારા માટે મહત્વપૂર્ણ ભૂમિકાઓ ભજવી છે. મારી પૂર્વ પ્રાથમિક શાળાના શિક્ષક, પ્રમિલા બહેન જેમણે મને ઘણું શીખવ્યું. મારા પિતા મારા માધ્યમિક શાળાના વર્ષો દરમિયાન મારા શિક્ષક હતા અને જીવનમાં મારા માર્ગદર્શક પણ રહ્યા છે. મને હજી પણ એક ગણિતના શિક્ષક યાદ છે જેમણે મને શીખવ્યું હતું કે જો તમે જીવનમાં સ્વાસ્થ્ય સમસ્યાઓનો સામનો કરો છો, તો તમારા સ્વાસ્થ્ય પર પૂરતું ધ્યાન ન આપવા માટે તમારી પોતાની ભૂલ છે." સ્મિત સાથે, પ્રતિક ગાંધી ઉમેરે છે કે તેઓ આ શિક્ષકને "હિટલર" કહેતા હતા. જ્યારે તેમને ખાસ યાદ હોય તેવા કોઈપણ શિક્ષક વિશે પૂછવામાં આવે ત્યારે, તેઓ હસ્યા અને કાઠિયાવાડી બોલતા શિક્ષકનો ઉલ્લેખ કરે છે જે બોતેરને બોતર કહેતા હતા . તેઓ તેને અને તેમના મિત્રો તે વિશે ચીડવતા હતા. પ્રતિક ગાંધી વધુમાં જણાવે છે કે તેઓ ઘણા શિક્ષકો પાસેથી ઘણું શીખ્યા છે, જેમાં શહીદ સર, જેમણે તેમને 7મા ધોરણમાં કૃષિ શીખવ્યું હતું અને રમેશ સર, જેમણે તેમને સુધારી કામ શિખવ્યું હતું. અત્યારે પણ તેની અભિનય કારકિર્દીમાં, તે મનોજ શાહ પાસેથી ઘણું શીખે છે, જેમની સાથે તે નજીકથી સહયોગ કરે છે.

ભવ્ય ગાંધીએ પોતાના શિક્ષક વિશે શું કહ્યું?

તારક મહેતા કા ઉલ્ટા ચશ્મા એ ટેલિવિઝન પરનો સૌથી લોકપ્રિય શો છે. આ શો 16 વર્ષથી ચાલી રહ્યો છે અને હજુ પણ દર્શકો તેને પસંદ કરે છે. આ ઉપરાંત, શોના ઘણા બાળ કલાકારો મોટા થયા છે. આ શોના સૌથી લોકપ્રિય પાત્રોમાંનું એક ટપ્પુ છે. આજે પણ આ શો ઘણા ઘરો ટીવીમાં ચાલુ છે અને યાદ કરવામાં આવે છે. VTV સાથે વાત કરતા ટપ્પુ કહે છે, "મારા જીવનમાં, તારક મહેતાની આખી ટીમ ગરુ જેવી છે કારણ કે તે ત્યારે ખૂબ જ નાનો હતો અને તેણે ઘણું શીખવાનું હતું. તમે ટપ્પુને ઘણા એપિસોડમાં એકલા બોલતા જોયા હશે, તે સમયે બધાએ મને ઘણું શીખવ્યું અને સહયોગ આપ્યો છે. વધુમાં જણાવે છે કે ''એક શિક્ષક હતા જે મને મરાઠી શીખવતા હતા અને મારી સાથે ઘણું વઢતા હતા અને તે સમયે મને લાગ્યું હતું કે તે કેવા શિક્ષક છે પણ મને તે હજુ પણ યાદ છે. અને તેમણે આપેલી શિખ આજે પણ કામ લાગે છે, જો કે હાલ પણતે મને જુએ છે ત્યારે તેમની આંખમાં આંસુ આવે છે તેથી આ મારા માટે મોટી વાત છે."

કિંજલ રાજપ્રિયા ''આજે પણ બધા જ શિક્ષકના નામ યાદ છે''

કિંજલ રાજપ્રિયા જે એક મલ્ટીટેલેન્ટેડ ગર્લ છે, જે તેમની દમદાર એક્ટિંગની સાથે સાથે બીજી અનેક આર્ટના કારણે લોકોના દિલમાં એક મહત્વનું સ્થાન બનાવી ચૂક્યા છે. તેના લાખો ચાહકો છે. તે 'છેલ્લો દિવસ' ફિલ્મ માટે પ્રખ્યાત છે. શિક્ષક દિન પર બોલતા તેમણે કહ્યું કે, "સૌથી પહેલા મારા માતા-પિતા મારા જીવનમાં પ્રથમ શિક્ષક હતા, કારણ કે શાળા કલોજની શિક્ષક પહેલા ઘર એ પ્રથમ શાળા છે. મારા શિક્ષણ દરમિયાન હું દરેક શિક્ષકને મારા માટે મહત્વપૂર્ણ માનું છું. એક પ્રસંગ યાદ કરતા જણાવે છે કે ''મેં મારુ ગ્રેજ્યુએશન આણંદથી કર્યું છે. અને જે કોલેજમાં મેં મારૂ ભણતર પુરૂ કર્યું છે તે જ કોલેજમાં મને 'છેલ્લો દિવસ' ના ફિલ્મ વખતે આમંત્રણ આપવામાં આવ્યું હતું. તેથી ત્યાં હાજર રહેલા તમામ શિક્ષકો મને જોઈને ગર્વના આંસુ આવી ગયા હતા, જે મારા માટે પણ ગર્વની વાત હતી, જોકે હું બાળપણથી જ બધા શિક્ષકોની પ્રિય વિદ્યાર્થી રહ્યી છું, સામાન્ય રીતે લોકો યાદ પણ રાખતા નથી તેમના બાળપણના શિક્ષકોના નામ પણ મને મારા દરેક શિક્ષકના નામ યાદ છે, જો કે હાલના સમયમાં કોઇ ના કોઇ માધ્યમ થી મારી પાસે તેઓ સંપર્કમાં છે.અને મને તેમના આશીર્વાદ આપે છે. કારણ કે મેં તેમની પાસેથી ઘણું શીખ્યું છે,જે દરેક વખતે કામમાં આવે છે. જો કે, આ ક્ષેત્ર એવું છે જ્યાં આપણે દરરોજ શીખી શકીએ છીએ, પણ ખાસ જો કો એક્ટરની વાત કરવામાં આવે તો જયેશ મોરેનું નામ ચોક્કસથી લેવા માંગીશ કારણ કે તેમની જોડેથી એટલું બધુ શિખવા મળ્યું છે મને કે તે દરેક સમયે કામ આવે છે''

વધુ વાંચો : હેમુ ગઢવીના સંભારણા, જેમના ગીતોથી ચાહકોની સવાર પડતી, નેસડા-વગડાના ગીતોમાં 'પ્રાણ ફૂ્ંક્યો'

વિક્રમ ઠાકોર પોતા 'ગુરૂ'ને યાદ કર્યા

ભાગ્યે જ કોઈ એવું હશે, જે વિક્રમ ઠાકોરને ન ઓળખતું હોય. વિક્રમ ઠાકોરની ફિલ્મો જ્યારે થિયેટરમાં રિલીઝ થાય, ત્યારે થિયેટર્સ મેળામાં ફેરવાઈ જતા હોય છે. અત્યાર સુધી તેમની 30 કરતા વધારે ફિલ્મો રિલીઝ થઈ ચૂકી છે, અને મોટાભાગની ફિલ્મો સુપરહિટ રહી છે. રસપ્રદ વાત એ છે કે આ ત્રીસે ત્રીસ ફિલ્મોમાં તેમનું નામ વિક્રમ ઠાકોર જ છે. જે કદાચ વર્લ્ડ રેકોર્ડ છે. વિક્રમ ઠાકોર તેમના શિક્ષકની યાદ કરતા ઉલ્લેખ કરે છે કે ''તમામ શિક્ષકો તેમની સાથે તેમના પોતાના પુત્રની જેમ વર્તે છે. જો કે, ખાસ કરીને એક શિક્ષક છે જેણે તેમના જીવન પર નોંધપાત્ર અસર કરી છે. તેમના પ્રભાવ વિના, તે આજે જ્યાં છે ત્યાં ન હોઈ શકે. ધોરણ 11 અને 12 દરમિયાન તેમના શિક્ષક નારણભાઈ પરમારે તેમને વાંસળી કેવી રીતે વગાડવી તે શીખવ્યું અને તેમને આ જુસ્સો કેળવવા માટે પ્રેરણા આપી, જે આખરે તેમને તેમની વર્તમાન સફળતા તરફ દોરી ગયા. જો કે પહેલા તો તેમના માતાપિતા તેમના પ્રથમ શિક્ષક છે''

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ