દુષ્કર્મ / આણંદમાં ધોરણ 10ની વિદ્યાર્થી સાથે શિક્ષકે જ આચર્યું દુષ્કર્મ, નાપાસ કરાવી દેવાની આપી હતી ધમકી

• આણંદમાં ધોરણ 10ની વિદ્યાર્થિની સાથે દુષ્કર્મ
• શિક્ષકે જ વિદ્યાર્થિની સાથે આચર્યું દુષ્કર્મ
• બોર્ડની પરીક્ષામાં ફેલ કરવાની આપી હતી ધમકી 
• પોલીસે પોક્સો હેઠળ ગુનો નોંધી કાર્યવાહી હાથ ધરી

આ ઘટનામાં આણંદ શહેરની એક શાળામાં અભ્યાસ કરતી ધોરણ 10ની વિદ્યાર્થીનીને શાળામાં અભ્યાસ કરતાં એક શિક્ષકે બોર્ડની પરિક્ષામાં કોમ્પ્યુટરના વિષયમાં ના-પાસ કરવાની ધમકી આપીને તેની સાથે દુષ્કર્મ આચર્યું હતું. 

આણંદમાં ધોરણ 10ની વિદ્યાર્થિની પર દુષ્કર્મ

કહેવાય છે ગુરુ એ બાળકનું ભવિષ્ય ઉજ્વળ કરે પણ આણંદના વિદ્યાનગરમાં એક શિક્ષકે તો પોતાની વિધાર્થીનીનું ભાવિ બગાડ્યું છે. આણંદના વિદ્યાનગરમાં આવેલી એક શાળામાં ધોરણ 10માં અભ્યાસ કરતી એક વિદ્યાર્થીનીને બોર્ડની પરિક્ષામાં કોમ્પ્યુટરના વિષયમાં ના-પાસ કરવાની ધમકી આપી તેની સાથે દુષ્કર્મ ગુજાર્યું હતું. ત્યાર બાદ વારંવાર ના-પાસ કરવાની ધમકી આપીને છેલ્લા એક વર્ષથી સગીરવયની વિદ્યાર્થીની સાથે દુષ્કર્મ આચાર્યુ હતું. 
 
વિદ્યાનગર પોલીસે પોકસો એક્ટ હેઠળ દુષ્કર્મનો ગુનો નોંધ્યો

જે બાદ અંતે કંટાળેલી સગીર વિદ્યાર્થિનીએ માતા-પિતાને જાણ કરી હતી. આ વાતની જાણ વિદ્યાનગરમાં પોલીસ થતાં તાત્કાલિક લંપટ શિક્ષક સામે પોક્સો એક્ટ હેઠળ દુષ્કર્મનો ગુનો નોંધી કાયદેસરની કાર્યવાહી હાથ ધરવામાં આવી છે. આ સાથે વિદ્યાર્થીનીને તબીબી તપાસ માટે જિલ્લા હોસ્પિટલમાં મોકલવવામાં આવી છે. આમ જે શિક્ષકોના સિરે બાળકોને સારા સંસ્કારના સિંચનની જવાબદારી છે તે જ શિક્ષક માસુમ ફૂલ જેવી વિદ્યાર્થીનીઓને પીંખી નાખશે તો આ દેશનું શું થશે. ગુરુની પદવી આપતા લોકોમાં શિક્ષકનું શું માન રહેશે.