10 વિદ્યાર્થિનીઓ બની Blue Whaleનો શિકાર હાથ-પગ પર બ્લેડથી બનાવ્યા Tattoo

ભુજ: શાળા-કોલેજમાં અભ્યાસ કરતા અનેક વિદ્યાર્થીઓ blue whale નામની મોબાઈલ ગેમમાં ફસાઈને મોતને ભેટ્યા હોવાના અનેક બનાવો તાજા છે ત્યાં ભુજની જાણીતી શાળામાં વિદ્યાર્થિનીઓ દ્વારા બ્લેડથી હાથ પર ટેટુ બનાવતા ખળભળાટ સર્જાયો છે.

આ બનાવની મળતી માહિતી અનુસાર ભુજમાં આવેલી જાણીતી માતૃછાયા કન્યા વિદ્યાલયમાં દસમાં ધોરણમાં અભ્યાસ કરતી કેટલીકવિદ્યાર્થિનીઓએ પેન્સિલને શાર્પ કરવા વપરાતા શાર્પનરની બ્લેડ વડે પોતાના હાથ પર કાપા કરી ટેટુ બનાવ્યા હતા.

સમગ્ર ઘટના શાળાની શિક્ષિકાને ધ્યાને આવતા તેમણે તાત્કાલિક અસરથી વાલીઓ અને શાળાનાં પ્રશાસનને જાણ કરી હતી.

આ તમામવિદ્યાર્થિનીઓએ ચારેક દિવસના સમયમાં હાથ-પગમાં બ્લેડથી ચામડી ચીરીને અલગ અલગ નિશાનના ટેટુ બનાવ્યા હતા.આ કિસ્સામાં મુગ્ધાવસ્થા પ્રેરિત કોઈ આકર્ષણ પણ જવાબદાર હોય શકે છે.