શરમજનક / MPમાં મહિલા ટીચરે ક્લાસમાં 5મા ધોરણની છોકરીનો ગંદો યુનિફોર્મ ઉતરાવ્યો, અંતઃવસ્ત્રોમાં બેસાડી રાખી

• મધ્યપ્રદેશના શહડોલની શરમજનક ઘટના
• શિક્ષકે 5મા ધોરણની છોકરીના ક્લાસમાં ઉતરાવ્યાં મેલા કપડાં 
• બધા વિદ્યાર્થીઓની હાજરીમાં પીડિતાએ કર્યું આવું 
• ઘટનાના ઉગ્ર પડઘાં, આરાપી ટીચરને કરાયો ઘરભેગો 

મધ્યપ્રદેશના શહડોલની સરકારી શાળામાં એક ટીચરની કરતૂતને કારણે મોટો હોબાળો મચ્યો છે. એક અધિકારીએ રવિવારે જણાવ્યું હતું કે, મધ્ય પ્રદેશની એક શાળાના ટીચરને સસ્પેન્ડ કરાયા છે અને તેણે કથિત રીતે 10 વર્ષીય આદિવાસી વિદ્યાર્થીને અન્ય વિદ્યાર્થીઓની સામે તેનો ગંદો ગણવેશ ઉતારવા માટે કહ્યું હતું. 

શું છે ઘટના
શહડોલની એક સ્કૂલમાં 5મા ધોરણની છોકરીને ટીચરે બીજા વિદ્યાર્થીઓની હાજરીમાં તેનો ગંદો ડ્રેસ ઉતારી મૂકવાનું જણાવ્યું હતું. ટીચરનો આદેશ માનીને છોકરીએ આવું કર્યું હતું ત્યાર બાદ ટીચરે તેનો ડ્રેસ ધોઈ નાખ્યો હતો અને આ દરમિયાન છોકરી લગભગ 2 કલાક સુધી અંતઃવસ્ત્રોમાં બેસી રહી હતી. 

તસવીર સોશિયલ મીડિયા પર આવતા હોબાળો મચ્યો 
શુક્રવારે શહડોલ જિલ્લામાં બનેલી આ ઘટનાની એક તસવીર સોશિયલ મીડિયા પર સામે આવી હતી, જેમાં ધોરણ 5ની વિદ્યાર્થિની માત્ર તેના અંડરગાર્મેન્ટ્સમાં જ જોવા મળી હતી અને ટીચર શ્રવણ કુમાર ત્રિપાઠી તેના કપડાં ધોતા જોવા મળ્યાં હતા. નજીકમાં ઊભેલી અન્ય છોકરીઓ પણ તેના કપડાં ધોતી જોવા મળી હતી.

બે કલાક અંડરગાર્મેન્ટમાં બેસાડી રાખી 
કેટલાક ગામલોકોએ દાવો કર્યો હતો કે, વિદ્યાર્થીનીએ તેના કપડાં સુકાઈ જાય ત્યાં સુધી લગભગ બે કલાક સુધી તે હાલતમાં બેસવું પડ્યું હતું. એક અધિકારીએ જણાવ્યું હતું કે, આ ઘટના બાદ ગામમાં આદિજાતિ બાબતોના વિભાગ દ્વારા સંચાલિત સરકારી પ્રાથમિક શાળામાં શિક્ષક તરીકે તૈનાત ત્રિપાઠીએ આ ઘટનાની તસવીરો વિભાગના એક વોટ્સએપ ગ્રૂપ પર શેર કરી હતી, જ્યારે પોતાને "સ્વચ્છતા મિત્ર" (સ્વચ્છતા સ્વયંસેવક) તરીકે ઓળખાવી હતી.સોશિયલ મીડિયા પર આ ઘટનાની તસવીરો સામે આવ્યા બાદ ગ્રામજનોએ ગુસ્સો વ્યક્ત કર્યો હતો.

આરોપી ટીચરને બરખાસ્ત કરાયા 
મધ્યપ્રદેશના આદિજાતિ કલ્યાણ વિભાગના આસિસ્ટન્ટ કમિશનર આનંદ રાય સિંહાનો સંપર્ક સાધવામાં આવતાં તેમણે જણાવ્યું હતું કે તેમને આ ઘટનાની તસવીરો વિશે જાણ થયા બાદ ત્રિપાઠીને શનિવારે સસ્પેન્ડ કરવામાં આવ્યા હતા.