રાજસ્થનના ચુરુમાં એક ચોંકાવનારો કિસ્સો સામે આવ્યો છે. જેમા વિદ્યાર્થી શાળાએ હોમવર્ક કર્યા વગર ગયો હતો જેથી શિક્ષકે તેને એટલો માર માર્યો કે વિદ્યાર્થીનું કરૂણ મોત થઈ ગયું.
રાજસ્થાનના ચુરુમાં ચોંકાવનારો કિસ્સો સામે આવ્યો
બાળકે હોમવર્ક ન કર્યું તો શિક્ષકે તેને ઢોરમાર માર્યો
ઢોરમારને કારણે બાળકનું મોત નિપજ્યું
હત્યારા શિક્ષકની પોલીસે કરી ધરપકડ
રાજસ્થનના ચુરુ જિલ્લામાં એક વીચિત્ર બનાવ સામે આવ્યો છે. જ્યા એક બાળકે હોમવર્ક નહોતું કર્યુ તો શિક્ષક પોતાનું ભાવ ગુમાવી બેઠો અને તેને એટલો માર્યો કે બાળકનું મોત થઈ ગયું . સાંભળીને આપને નવાઈ લાગશે બાળક હજુંતો 7માં ધોરણમાં અભ્યાસ કરતું હતું. તેણે હોમવર્ક ન્હોતું કર્યું જેના કારણે શિક્ષકે તેના પર પોતાનો ખાર ઉતાર્યો હતો.
પોલીસે કરી શિક્ષકની ધરપકડ
સમગ્ર મામલે સામે આવ્યા બાદ પોલીસે શિક્ષકની ધરપકડ કરી લીધી છે. સાથેજ સ્કૂલની સામે પણ કાર્યવાહી કરવાના આદેશ આપ્યા છે. ઘટનાને લઈને શિક્ષણ મંત્રી હોવિંદ ડોટાસરાએ પણ દુખ વ્યક્ત કર્યું છે. સાથેજ તેમણે અધિકારીઓને આદેશ આપ્યા છે કે સ્કૂલની માન્યતાને હવે સસ્પેન્ડ કરી દેવામાં આવે.
બાળક 7માં ધોરણમાં અભ્યાસ કરતો હતો
પોલીસના કહેવા પ્રમાણે ગણેશ પ્રાઈવેટ સ્કૂલમાં 7માં ધોરણમાં અભ્યાસ કરતો 13 વર્ષનો બાળક શાળાએ હોમવર્ક કર્યા વગર ગયો હતો જેથી શિક્ષકે તેને ઢોરમાર માર્યો પરિણામે તે બેભાન થઈ ગયો અને તેને હોસ્પિટલમાં ખસેડવામાં આવ્યો હતો. જ્યા તબીબોએ તેને મૃત જાહેર કર્યો તો પરિવારના માથે આભ તૂટી પડ્યું હતું.
શાળાની માન્યતા રદ કરાઈ
ઘટનાને લઈને પોલીસે પણ તુરંત કાર્યવાહી આરંભી અને તેમણે શિક્ષકની ધરપકડ કરી લીધી છે. સાથેજ તેની સામે હત્યાનો ગુનો પણ દાખલ કર્યો છે. આ મામલે શિક્ષણ મંત્રી ગોવીંદ સિહ ડોટાસરાએ પણ કહ્યું કે જે ઘટના બની તે મામલે દુખ છે. સાથેજ તેમણે કહ્યું કે પોલીસે આરોપી શિક્ષકની ધરપકડ કરીને તેની સામે કાયદેસરની કાર્યવાહી આરંભી છે.