ગુજરાતમાં ભલે સરકાર દ્વારા દારૂબંધીનો કડક કાયદો બનાવાયો હોય. પરંતુ રાજ્યમાં દારૂબંધીની દાવાઓ પોકળ સાબિત થઈ રહ્યાં છે. કચ્છ, સુરત, ભરૂચ અને પાટણમાં હાલમાં જ દારૂબંધીના ધજાગરા ઉડેલા જોવા મળ્યાં હતા. જો કે આજે તો હદ પાર જોવા મળી છે. જેમના હાથમાં દેશનું ભવિષ્ય છે એવા શિક્ષકના ઘરમાંથી જ દારૂનો જથ્થો પકડતાં બાળકોના ભવિષ્યને લઇને સવાલો ઉભા થઇ રહ્યાં છે.
પ્રાથમિક શાળાના શિક્ષકના ઘરેથી વિદેશી દારૂનો જથ્થો ઝડપાયો
હોળીના તહેવારને લઇ જથ્થો સંગ્રહી રાખવાની મળી હતી પોલીસને મહિતી
સુખસર પોલીસે બે લાખથી વધુનો વિદેશી દારૂનો જથ્થો જપ્ત કર્યો
રાજ્યમાં દારૂબંધી હોય ત્યારે દારૂ રાખવા, વેચવા કે ખરીદવા પર પ્રતિબંધ હોય છે. પરંતું છેલ્લા ઘણા દિવસોથી રાજ્યમાં દારૂની રેલમછેલની ઘટનાઓ સામે આવી છે. આવી જ એક ઘટના દાહોદમાં પણ બની છે.
દાહોદમાં શિક્ષકના ઘરેથી જ દારૂનો જથ્થો મળી આવ્યો છે. એક શિક્ષક જે ભાવિ નાગરિકતાનું ઘડતર કરે છે. એક શિક્ષક જેની પાસે સમાજને ઘણી અપેક્ષા હોય છે.
આમ રાજ્યના એક શિક્ષકના જ ઘરેથી દારૂનો જથ્થો મળી આવતાં અનેક સવાલ ચોક્કસ ઉભા થાય છે. જો શિક્ષક જ આવી હરકત કરશે તો આદર્શ સમાજની અપેક્ષા કોની પાસે રાખી શકાય. જે એક સવાલ સ્વાભાવિક થાય તેમ છે.