હવે વાત કરીએ અનોખા શિક્ષકની. એવા શિક્ષક જે લોકડાઉનમાં પણ બાળકોને શિક્ષણ આપે છે. પરંતુ વૃક્ષ પણ ચઢીને.શું મજાક કરો છે. એવો સવાલ થયો હશે. પરંતુ આ મજાક નથી. પરંતુ હકીકત છે. આ પ્રકારનો કિસ્સો બંગાળમાં સામે આવ્યો છે.
શાળાઓને છે તાળા છતાં અભ્યાસ છે ચાલુ
એક શિક્ષકની અનોખી કોશિશ
સિગ્નલ માટે ઝાડ પર ચઢ્યા
કહેવાય છે કે, સારા દિવસોની સરખામણીમાં ખરાબ દિવસો આપણને વધારે શીખવી જાય છે. તો પછી પશ્ચિમ બંગાળના બનકુરા જિલ્લાના અહંદા ગામની જરા આ તસવીર પણ જોઈ લો. હાલ કોરોના વાઈરસ અને લૉકડાઉનના કારણે મોટાભાગના લોકોના કામકાજ ઠપ્પ થઈ ગયા છે, ત્યારે પણ આ ગામના સુબ્રત પતિ નામના આ શિક્ષકની કામગીરી બખુબી ચાલી રહી છે અને તે પણ ઝાડ પર ચઢીને.
ઝાડ પર ચડીને વિદ્યાર્થીઓને આપે છે શિક્ષણ
તમને નવાઈ લાગી હશે કે, આ શિક્ષક શું પાગલ થઈ ગયો છે, કે ઝાળ પર ચઢીને બેઠો છે. ત્યાં ઝાડ પર શું કામગીરી થતી હશે...? આપને જવાબ જાણીને નવાઈ લાગશે કે, આ શિક્ષક અહીં વિદ્યાર્થીઓને ભણાવવા માટે ચઢે છે. કારણ કે, એક તો લોકડાઉનના કારણે શાળાઓમાં તાળા લાગ્યા છે. જ્યારે બીજી તરફ તેના ઘરમાં ઈન્ટરનેટની સ્પીડ ધીમી આવે છે. જેથી કરીને તેને ડિજિટલ માધ્યમથી વિદ્યાર્થીઓને ભણાવવામાં તકલીફ પડતી હતી. જે માટે તેણે આ રસ્તો શોધ્યો છે..
ઇન્ટરનેટની સ્પીડ ઓછી હોવાથી કરે છે આવું
નવાઈની વાત તો એ છે કે, કોલકત્તાની બે શૈક્ષણિક સંસ્થાઓમાં ભણાવનાર સુબ્રત માટે ઓનલાઈન અભ્યાસ કરાવવો એક જંગ જેવું બની ગયું છે. તેમણે મોબાઈલ મારફતે ક્લાસ લેવાના રહે છે, પરંતુ ઈન્ટરનેટની સ્પીડ ઓછી હોવાના કારણે તેમને અનેક અડચણોનો સામવો કરવો પડે છે. જોકે ઝાડ પર સ્પીડ મળતા જ જાણે તેને મોટી સફળતા હાથ લાગી છે.
ઝાડ પર માચડો તૈયાર કર્યો
તેને ઝાડ પર માચડો તો તૈયાર કર્યો જ. તેની સાથે-સાથે જમવાનું પાણી સહિતની સુવિધા પણ ત્યાંજ ઉભી કરી અને ઝાળ પર જ આખો દિવસ બેસી રહી વિદ્યાર્થીઓ સાથે સંવાદ કરે છે. શિક્ષકની આ કોશિશને અમે બિરદાવીએ છીએ. કારણ કે, આવા સમયે પણ વિદ્યાર્થીઓ સાથે સંકળાયેલું રહેવું તે જ એક મોટી સફળતા છે.