ધાનેરા તાલુકાના આલવાડા ગામે એક ખાનગી શાળમાં શિક્ષકે વિદ્યાર્થીને માર માર્યો હોવાનુ સામે આવ્યુ છે. ઘોરણ-9ના વિદ્યાર્થીને શિક્ષકે માર મારતા તેને કમરના ભાગે ગંભીર ઇજાઓ પહોંચી હતી. વિદ્યાર્થીને ગંભીર ઇજાઓ પહોંચતા તાત્કાલિક હોસ્પિટલમાં ખસેડવામાં આવ્યો હતો.
વિદ્યાર્થીઓને ઢોર માર મારી કમર ભાંગી નાંખી
તાત્કાલિક સારવાર માટે ખસેડવામાં આવ્યો
શિક્ષકને યોગ્ય દંડ આપવાની માંગ
જિલ્લા માં વધુ એકવાર શિક્ષક ભાન ભૂલ્યા. બનાસકાંઠાના ધાનેરાના આલવાડા ગામની લક્ષ્મીવિદ્યામંદિર નામની ખાનગી શાળામાં વિવાદમાં આવી છે. શાળાના વિદ્યાર્થીને લેશન ન લાવવાની સામાન્ય બાબતમાં શિક્ષકે માર માર્યો હતો. શિક્ષક એટલી હદે નિર્દય બની ગયા હતા કે તેમણે વિદ્યાર્થીને ગંભીર ઇજાઓ પહોંચાડી હતી.
અન્ય શિક્ષકો વિદ્યાર્થીને લઈ ગયા દવાખાને
માર ખાધા બાદ શાળાના શિક્ષકો દ્વારા પ્રાથમિક સારવાર માટે નજીકના દવાખાને વિદ્યાર્થી ને ખસેડવામાં આવ્યો હતો. જોકે ત્યાર બાદ ઘરે પહોંચ્યા બાદ વિદ્યાર્થી ના પિતા ને જાણ થતાં તેઓએ ધાનેરા સિવિલ બાદ વધુ સારવાર માટે ધાનેરા ની પ્રાઇવેટ હોસ્પિટલ માં પોતાના પુત્ર ને સારવાર માટે ખસેડાયો હતો. જ્યારે પ્રાઇવેટ હોસ્પિટલ ના ડોકટરે જણાવ્યું હતું કે વિદ્યાર્થી ને મૂઢ માર લાગ્યો છે જેથી હાલ સારવાર ચાલુ છે.જરૂર મુજબ હજુ સિટી સ્કેન કરાવી વધુ સારવાર આપવામાં આવશે.