વડોદરાની MS યુનિવર્સિટીમાં ડીજે વગાડવાના મુદ્દે ભારે વિવાદ સાથે ઘર્ષણ સર્જાયું છે.
વડોદરાની MS યુનિ.માં ઘર્ષણનો મામલો
સાયન્સ ફેકલ્ટીમાં DJ વગાડવા મુદ્દે ઘર્ષણ
સાયન્સ ફેકલ્ટીમાં વિવિધ ડે ઉજવાઈ રહ્યા છે
M.S. યુનિવર્સિટીની સાયન્સ ફેકલ્ટી દ્વારા આયોજીત સાયન્સ વીકના છેલ્લા દિવસે ફેકલ્ટી દ્વારા આયોજીત પ્રોગ્રામમાં શિક્ષકો અને વિદ્યાર્થી વચ્ચે DJ વગાડવાના મુદ્દે ભારે વિવાદ સાથે ઘર્ષણ થવા પામ્યું હતું
સાયન્સ ફેકલ્ટીમાં DJ વગાડવા મુદ્દે ઘર્ષણ
કોરોના કાળમાં બે વર્ષ બાદ M.S. યુનિવર્સિટીમાં ઓફલાઈન શિક્ષણની શરૂઆત થવા પામી છે. જો કે, શિક્ષણની સાથે જ ફરીએક વાર ઘર્ષણની ઘટના બની છે. સાયન્સ ફેકલ્ટી દ્વારા છેલ્લા એક અઠવાડિયાથી સાયન્સ વીકનું આયોજન કર્યું હતું. ફેકલ્ટી દ્વારા સાયન્સ વીક દરમિયાન જ જાતે જ વિવિધ ડેનું સેલીબ્રેશન રાખવામાં આવ્યું હતું. દરમિયાન સેલીબ્રેશન માટે વિદ્યાર્થીઓ DJ વગાડવાની જીદ કરી હતી. જેને યુનિવર્સિટીના શિક્ષકો દ્વારા તેનો વિરોધ કરવામાં આવ્યો હતો.
પૂર્વ ફેકલ્ટી યોગેશ અગ્રવાલે DJ વગાડવાની જીદ કરતા ઘર્ષણ થયું
જે મુદ્દે વિદ્યાર્થીઓ અને શિક્ષકો વચ્ચે ભારે વિવાદ સર્જાયો હતો. જેમાં પૂર્વ ફેકલ્ટી યોગેશ અગ્રવાલે DJ વગાડવાની જીદ કરતા ઘર્ષણ થયું હતું. આસાથે યુનિ.ના વિજિલન્સ જવાનો સાથે પણ વિદ્યાર્થીઓએ ઘર્ષણ કર્યું હતું. આ ઘર્ષણમાં સાયન્સ ફેકલ્ટીના વિદ્યાર્થીઓના ટોળા વચ્ચે ભાગદોડના દશ્યો સર્જાયા હતા.મહત્વનું છે કે, સાયન્સ ડેના સમાપન કાર્યક્રમમાં પહોંચી જઇને પૂર્વ ફેકલ્ટી યોગેશ અગ્રવાલે ઉગ્ર રજૂઆતો કરી હતી. ચાલુ કાર્યક્રમમાં મહેમાનોની સામે જ ઉશ્કેરાયઆ ગયેલા વિદ્યાર્થી નેતાને વિજિલન્સે બહાર કાઢયો હતો.