ગુજરાતમાં કોરોના વાયરસના કેસમાં સતત વધારો થઇ રહ્યો છે અને વાયરસથી બચવા માટે વિવિધ ઉપાયો કરવા માટે કહેવામાં આવી રહ્યું છે ત્યારે વડોદરાનાં એક ચાની લારી ચલાવતા યુવાને અનોખો પહેલ કરી છે.
લહેજતદાર ચા સાથે માસ્ક મફત
કોરોનાને લઈ જાગૃતિ માટે પહેલ
300થી વધુ ગ્રાહકોને મફતમાં વિતરણ
ચાય પે ફ્રી માસ્ક
વડોદરાના ચા ની લારીવાળા એક યુવકે ઉપાડી સામાજિક જવાબદારી પોતાના ગ્રાહકોને માત્ર 10 રૂપિયા માં લહેજતદાર ચા સાથે માસ્ક મફતમાં આપી રહ્યા છે જેને વડોદરા વાસીઓ પણ વધાવી રહ્યા છે એક તરફ સરકાર દ્વારા માસ્ક ન પહેરનાર લોકોને 1 હજાર નો દંડ કરવામાં આવી રહ્યો છે ત્યારે કોરોનાનની મહામારીથી ગ્રાહકોને બચાવવા અને જનજાગૃતિના ભાગરૂપે ચા વાળા યુવક દ્વારા મફતમાં ગ્રાહકોને ચા સાથે થ્રિ લિયર માસ્ક આપવામાં આવી રહ્યા છે.
અનોખી પહેલ
કોરોના વાયરસથી બચવા માટે માસ્ક પહેરવું અતિઆવશ્યક છે. માસ્કનું મહત્વ જોઇને સરકાર લાખો રૂપિયાનો દંડ પણ વસૂલ કરી ચુકી છે અને હવે તો માસ્ક ન પહેરનાર સામે વધુ કડક કાયદા બનાવવા માટે હાઈકોર્ટ આદેશ આપી રહી છે ત્યારે વડોદરાના માંડવી કલ્યાણરાયજી મંદિર પાસે ચાની કીટલી ચલાવતા સપન માછીએ અનોખી પહેલ કરી છે.
લોકોમાં જાગૃતિ ફેલાવવા કામ
અખબારમાં કોરોનાકાળમાં માસ્ક ન પહેરનાર લોકો પાસે થી લાખો રૂપિયાનો દંડ વસૂલવાના અહેવાલો વાંચ્યા બાદ આ સપન માછીએ પોતાની ગોલ્ડન ચા જે માત્ર 10 રૂપિયામાં ગ્રાહકોને આપે છે તેની સાથે 3 રૂપિયાની કિંમતનું થ્રિ-લેયર માસ્ક ગ્રાહકોને મફતમાં આપવાનું નક્કી કર્યું છે.
સપન માછી દ્વારા લોકોમાં કોરોનાને લઈ જાગૃતિ આવે અને લોકો માસ્ક પહેરતા થાય તેવા આશય થી પોતાની લહેજતદાર ચા સાથે થ્રિ લિયર માસ્ક મફતમાં આપે છે અને કોરોનાની મહામારીથી બચવા માટેના ઉપાયો સાથે પોતાના વિચારો પણ ગ્રાહકો સાથે0 શેર કરે છે અને ફરીથી માસ્ક વિના જાહેરમાં ન નીકળે ફરજીયાત માસ્ક પહેરવા અપીલ કરે છે હજાર રૂપિયા દંડ છતાં માસ્ક સરકાર નથી આપતી તેવામાં વડોદરાના આ ચાવાળા ને મફતમાં માસ્ક આપવાના ને લઈ ગ્રાહકો પણ સપન માછી નો આભાર માની તેને શુભેચ્છાઓ આપી રહ્યા છે
સપન માછીએ અત્યાર સુધી 300થી વધુ ગ્રાહકોને મફતમાં માસ્ક આપી ચુક્યા છે. જ્યારે આજે પણ 500 માસ્ક પોતાની લારી ઉપર સ્ટોક રાખ્યો છે. ઘણીવાર લોકો શહેરની ભાગદોડમાં માસ્ક પહેરવાનું ભૂલી જાય છે તો કેટલાક લોકો જાણી જોઈને માસ્ક નથી પહેરતા આવામાં સપન માછી દ્વારા લોકોમાં કોરોનાને લઈ જાગૃતિ આવે અને લોકો માસ્ક પહેરતા થાય તેવા આશયથી પોતાની લહેજતદાર ચા સાથે થ્રિ લેયર માસ્ક મફતમાં આપે છે.
મહામારીના આ સમયમાં ચા વેચતો આ યુવાન ઘણા બધા લોકો અને સંસ્થા માટે એક ઉદાહરણ છે.