ઈન્ફર્મેશન ટેક્નોલોજીના જગતમાં ભારતીય કંપનીઓનો રીતસર દબદબો છે. સૌથી ટોપની 25 કંપનીઓમાં છ ભારતીય કંપનીઓનો સમાવેશ થાય છે .
દુનિયાની સૌથી મોટી આઇટી કંપનીઓ
ટોપ 25 માં 6 ભારતીય કંપનીઓ
ભારતની TCS અને infosys બીજા અને ત્રીજા ક્રમે
ટાટા કન્સલ્ટન્સી સર્વિસ એટલે કે TCS દુનિયામાં ઈન્ફર્મેશન ટેકનોલોજી ફિલ્ડની સૌથી મોટી કંપનીઓ પૈકીની એક માનવામાં આવે છે. હવે આ કંપની IT જગતની બીજા ક્રમની સૌથી મોટી કંપની બની ગઈ છે.
IBM ને પાછળ છોડી
બ્રાન્ડ ફાઇનાન્સ આઇટી સર્વિસિસ 25 એટલે કે સૌથી સારી આઇટી સર્વિસીસની બ્રાન્ડ જાહેર કરતી વખતે 2022 ના રિપોર્ટમાં INFOSYS અને TCS બંનેના નામ સામેલ કરવામાં આવ્યા છે. આ બંને ભારતીય કંપનીઓ ભારતમાં પણ પ્રખ્યાત છે અને ગ્લોબલ લેવલે સૌથી ખ્યાતનામ કંપનીઓ માંથી એક માનવામાં આવે છે. INFOSYS આ લિસ્ટમાં ત્રીજા ક્રમે અને ત્યાર પછી IBM ચોથા ક્રમે છે.
ટોપ 25 માં 6 ભારતીય કંપનીઓ
બ્રાન્ડ ફાઇનનેસ આઇટી સર્વિસીઝ 25, 2022 ના રિપોર્ટમાં બે મોટી કંપનીઓ ઈન્ફોસિસ અને ટીસીએસ સિવાય પણ બીજી ચાર ભારતીય કંપનીઓનો પણ ટોપ 25 માં સમાવેશ થાય છે.
કઈ કંપની કયા ક્રમે
ટાટા કન્સલ્ટન્સી સર્વિસિસ ( TCS ) - બીજા ક્રમે
INFOSYS- ત્રીજા ક્રમે
WIPRO- સાતમા ક્રમે
HCL-આઠમાં ક્રમે
TECH MAHINDRA- 15 માં ક્રમે
LTI- 22 માં ક્રમે
2020-2022 માં સૌથી વધારે ઝડપથી વિકાસ કરનારી કંપનીઓમાં આ છ સૌથી આગળ રહેલી ભારતીય કંપનીઓ છે.
એસેન્ચર દુનિયાની સૌથી મૂલ્યવાન આઇટી બ્રાન્ડ
દુનિયાની સૌથી મૂલ્યવાન આઇટી બ્રાન્ડ તરીકે Accentue પ્રખ્યાત છે. તેની બ્રાંડ વેલ્યૂ સૌથી વધારે હોવાની સાથે માર્કેટમાં મોટું નામ છે. આજે તેની બ્રાન્ડ વેલ્યૂ 36.2 અબજ ડોલર હોવાનું માનવામાં આવે છે.
2020 થી 2022 સુધી ભારતીય કંપનીઓએ સૌથી ઝડપથી વૃદ્ધિ કરી છે. આ સમય દરમિયાન 51 ટકા જેટલો વધારો તેમના પરફોર્મન્સમાં થયો છે જ્યારે અમેરિકી આઇટી કંપનીઓની બ્રાન્ડ સાથ ટકા ઘટી છે. રિપોર્ટમાં દર્શાવવામાં આવ્યું છે કે IBM ચોથા સ્થાને આવી ગઈ છે જ્યારે TCS છેલ્લા વર્ષ કરતાં 15 ટકા એટલે કે 2020 ની તુલનમાં 24 ટકા વૃદ્ધિ સાથે બીજા સ્થાને છે. હવે ટીસીએસની બ્રાન્ડ વેલ્યૂ 16.8 અબજ થઇ ગઈ છે.
સૌથી ઝડપથી આગળ વધતી કંપની પણ ભારતીય
આ લિસ્ટમાં ત્રીજા સ્થાને રહેલી કંપની TCS દુનિયાભરમાં સૌથી વધારે ઝડપથી આગળ વધતી IT કંપનીઓમાં મોખરે છે અને તેની તુલનામાં બ્રાન્ડ વેલ્યૂ 52 ટકા જેટલી વધી છે તો 2020 કરતાં 80 ટકા બ્રાન્ડ વેલ્યૂમાં વધારો થયો છે હવે તેની બ્રાન્ડ વેલ્યૂ 12.8 અબજ ડોલર થઈ ગઈ છે.