સુવિધા / નવા ઈન્કમટેક્સ સ્લેબમાં પણ મળશે મોટી રાહત, કરદાતાઓને મળશે આ વિકલ્પ

• નવા ઈન્કમટેક્સ સ્લેબમાં મળશે અનેક છૂટછાટ
• કરદાતાઓ 50 પ્રકારની છૂટછાટનો મેળવશે ફાયદો
• ગ્રેજ્યુઈટીને પણ કર રાહતમાં સમાવવામાં આવશે

નવા ઇન્કમટેક્સ સ્લેબમાં હજુ પણ કરદાતાઓ પાસે 50 પ્રકારની છૂટછાટ ઉપલબ્ધ છે. નવા ટેક્સ સ્ટ્રક્ચરમાં પ્રોવિડન્ટ ફંડ (પીએફ) અને વીઆરએસ પર મળતા ઇન્સેન્ટિવને પણ ટેક્સમાંથી બાદ મળશે. જ્યારે એલટીએ, એચઆરએ દ્વારા મળતી વાર્ષિક છૂટ આગામી નાણાકીય વર્ષથી મળશે નહીં. એ માટે તમારે જૂના સ્લેબથી ઇન્કમટેક્સ રિટર્ન ફાઇલ કરવું પડશે. 

ગ્રેજ્યુઈટીને પણ કર રાહતમાં સમાવવામાં આવશે

નવા ટેક્સ સ્લેબ પ્રમાણે જે 50 છૂટછાટ ઉપલબ્ધ છે તે યાદીમાં રૂ. પાંચ લાખ સુધીનું વીઆરએસ પેમેન્ટ, એલઆઇસી પોલિસી હેઠળ મળતું બોનસ (કેટલીક શરતોને આધિન), જીપીએફ અને પીપીએફ પર વ્યાજ, નવી પેન્શન સ્કીમ (એનપીએસ)થી મળતું પેમેન્ટ, શિક્ષણના ખર્ચને પહોંચી વળવા અપાતી સ્કોલરશિપનો સમાવેશ થાય છે. 

આ ઉપરાંત સુકન્યા સમૃદ્ધિ ખાતા દ્વારા મળતી રકમ, સરકાર કે સરકારી સંસ્થા તરફથી કોઇ સન્માન સાથે મળતી રકમ, પૂર્વોત્તર રાજ્યોમાં મળતા કેટલાક લાભ વગેરે નવી ઇન્કમટેક્સ સિસ્ટમમાં કરમુક્ત રહેશે. આ ઉપરાંત ખેતીની આવક, અવિભાજિત હિંદુ પરિવારના કોઇ સભ્યને વડિલોપાર્જિત સંપત્તિથી મળતાં નાણાં, કંપનીના ભાગીદારને મળનાર પ્રોફિટ હિસ્સો, નિવૃત્તિ કે મૃત્યુ પર મળતી ગ્રેચ્યુઇટીનો પણ આ 50 કર રાહતમાં સમાવેશ થાય છે.