કાર્યવાહી / ટેક્સ વધારવાની વણમાગી સલાહ આપવાનું IRS અધિકારીઓને પડ્યું ભારે, નાણા મંત્રાલયે લીધો આવો નિર્ણય

• અમીરો પર 40 ટકા ટેક્સ લગાડવાનું સૂચન ભારે પડ્યું
• વણમાગી સલાહ બદલ શરૂ થઇ તપાસ

ઉલ્લેખનીય છે કે, નાણામંત્રાલયે આ સૂચનને ખોટું ગણાવ્યું હતું. એટલું જ નહીં આઇઆરએસ એસોશિયેસન દ્વારા પોતાના ટ્વીટર એકાઉન્ટ પર અને વેબસાઇટ પર આ પત્ર મુકવા બદલ ખેદ વ્યક્ત કર્યો હતો. 

અધિકારીઓ પાસે માગ્યો ખુલાસો 

આ સાથે જ આ ઘટનાને ખોટું આચરણ ગણાવીને સરકારે આ તમામ અધિકારીઓ પાસેથી ખુલાસો માગ્યો હતો અને અધિકારોનું આ બેજવાબદારી ભર્યું વર્તન હોવાનું પણ ઠેરાવ્યું હતું. આ સાથે જ ઇન્કમ ટેક્સ વિભાગે આ મામલે તપાસ પણ હાથ ધરી હતી. 

50 IRS અધિકારીઓએ તૈયાર કર્યો હતો પત્ર

આ પેપર 50 IRS અધિકારીઓએ સાથે મળીને તૈયાર કર્યું છે. તેમનું સૂચન છે કે, સુપર રિચ લોકો પર 2 પ્રકારે ટેક્સ લગાવી શકાય છે. 1 કરોડથી વધુ વાર્ષીક આવક ધરાવતા લોકોને સુપર રિચ કેટગરીમાં રાખવામાં આવ્યા છે. અત્યારે તેમના પર 30 ટકાથી વધારીને 40 ટકા કરવાની વાત કરવામાં આવી છે. 

હાલમાં 3 થી 6 મહિના માટે લાગૂ કરવામાં આવે તેવી કરી હતી વાત 

IRS એસોસિએશનના પેપરમાં એવા પણ સૂચનો છે જેનો અમલ ફક્ત થોડા સમય માટે કરવામાં આવશે. તેમાં કહેવામાં આવ્યું છે કે જો કોઈની આવક 1 કરોડથી વધુ છે, તો 30 ની જગ્યાએ 40% ટેક્સ રેટ લાગુ કરવો જોઇએ. જેમની આવક 5 કરોડથી વધુ છે, તેમના માટે ફરીથી સંપત્તિ વેરો લાગુ થવો જોઈએ. હાલમાં તે 3-6 મહિના માટે લાગૂ કરી શકાય છે.