ફેરફાર / 1 ઓક્ટોબરથી આ ટ્રાન્ઝેક્શન પર લાગશે ટેક્સ, આ રીતે મળશે રૂપિયા પરત

• કેન્દ્ર સરકારે જાહેર કર્યો નવો નિયમ
• વિદેશ રૂપિયા મોકલવા માટે ભરવો પડશે ટેક્સ
• 0.5 ટકા TCSનું વધારે પેમેન્ટ કરવાનું રહેશે

એજ્યુકેશન અને ટૂર પેકેજને મળશે છૂટ

સરકારે આ કેસમાં કેટલીક છૂટ પણ આપી છે. તેના આધારે વિદેશ મોકલાતા રૂપિયા પર ટેક્સ લાગૂ નહીં કરી શકાય. જો તમે બાળકોના અભ્યાસ માટે 7 લાખ રૂપિયાથી ઓછા રૂપિયા મોકલો છો તો તેની પર ટેક્સ નહીં લાગે. એજ્યુકેશન લોન 7 લાખથી વધુ હશે તો 0.5 ટકા ટીસીએસ આપવાનો રહેશે. કોઈ ટૂર પેકેડ માટે વિદેશ રૂપિયા મોકલો છો તો તેની પર TCS લાગૂ નહીં થાય. એટલે કે કોઈ પણ કામ માટે વિદેશ મોકલાતા 7 લાખની રકમ માટે ટેક્સ નહીં લાગે. ત્યારપછીની રકમ પર 0.5 ટકા ટેક્સ ભરવાનો રહેશે. 

 
આ કારણે બનાવ્યો ટીસીએસનો નિયમ

સરકારના આ નિયમને લઈને કેસીસી ગ્રૂપના ફાઉન્ડર અને ચેરમેન કહે છે કે વિદેશમાં અનેક પ્રકારના પેમેન્ટ પર ટીડીએસ કપાય છે. ગિફ્ટ, સારવાર, પ્રોપર્ટીમાં રોકાણ, સંબંધીઓની મદદ, હોસ્પિટલ વગેરેમાં ટીડીએસ કપાતો નથી. આ દરેકને આરબીઆઈના એલઆરએસના આધારે ટીડીએસમાં છૂટ મળી છે. કોઈ પણ ભારતીય આરબીઆઈની એલઆરએસના આધારે 2.5 લાખ ડોલર વાર્ષિક મોકલી શકે છે. તેને ટેક્સ રડારમાં લાવવા માટે ટીસીએસ લેવાનો નિયમ બનાવાયો છે. તેમાં અનેક પ્રકારની છૂટ પણ અપાઈ છે. આ બાબતોને છોડીને અન્ય દરેકને 5 ટકા TCS આપવાનો રહેશે. 

TDS અને TCSમાં આ છે મોટો તફાવત

જો કોઈ વ્યક્તિ 100 રૂપિયા વિદેશ મોકલે છે તો તેની પર 5 ટકા TDS લાગૂ થાય છે. તો મેળવનારને 95 રૂપિયા મળે છે. જ્યારે TCSના નિયમથી વ્યક્તિ વિદેશમાં 100 રૂપિયા મોકલે છે તો સામેની વ્યક્તિને 100 રૂપિયા પૂરા મળે છે. મોકલનાર પાસેથી 5 રૂપિયા અલગથી લેવામાં આવે છે જે તેના પાનમાં ક્રેડિટ કરી દેવાય છે. જે પાછળથી તમને પરત મળી જશે. દેશમાં તમામ ટેક્સ પેયર્સ પર ટીડીએસ લાગૂ થાય છે. એવામાં નિયમ બનાવાયો છે કે વિદેશ મોકલનારા ટેક્સ પેયર્સ પર પહેલાં TDS લાગૂ થઈ ચૂક્યો છે તો તેની પર TCSના નિયમ લાગૂ થશે નહીં.