તમારો હક / પત્નીના લુક પર વારંવાર કૉમેન્ટ કરવી યોગ્ય નથી...: હાઇકોર્ટે આપ્યો મહતપૂર્ણ ચુકાદો

• પત્નીના લુક પર વારંવાર કોમેન્ટ સારી નથી: કેરળ હાઇકોર્ટ 
• પત્નીને વારંવાર ટોણાં મારવા માનસિક ત્રાસ
• જો પતિ આવું કરે તો પત્ની આપી શકે છે છૂટાછેડા 

ભારત એક એવો દેશ ગણવામાં આવે છે જ્યાં પતિ પત્નીના સંબંધને જન્મજન્માંતરનો સંબંધ માનવામાં આવે છે, જોકે પતિ પત્ની વચ્ચેના સંબંધોમાં ઘણીવાર આવતી તકરાર હિંસાનું રૂપ પણ ધારણ કરે છે જેનો શિકાર મોટા ભાગ મહિલાઓ બનતી હોય છે. એવામાં કોર્ટ અને તંત્ર દ્વારા કાયદા સહિતની વસ્તુઓથી મહિલાઓનું રક્ષણ કરવા પ્રયાસ કરવામાં આવી રહ્યા છે, જોકે માત્ર શારીરિક જ નહીં માનસિક રીતે પણ મહિલાને ત્રાસ આપવો એટલો જ મોટો ગુનો છે. 

દેશભરના પુરુષોએ કેરળ હાઇકોર્ટનો ચુકાદો જાણવા જેવો 
પતિ પત્ની વચ્ચે મજાક મસ્તીમાં થતી વાતો અને એકબીજાની તુલના મામલે કેરળ હાઇકોર્ટની ટિપ્પણી સામે આવી છે. પત્નીને વારંવાર ટોણાં મારવા કે તે તમારી આશાઑ પર યોગ્ય નથી ઉતરતી, એ એક પ્રકારે ક્રૂરતા છે અને છૂટાછેડા માટેનો આધાર છે. કોર્ટે એમ પણ કહ્યું કે સતત પત્ની પર ટોણાં મારવા એ માનસિક ક્રૂરતા છે. 

વારંવાર પત્નીના લુક પર કોમેન્ટ કરતી હતો પતિ 
કેરળ હાઇકોર્ટમાં દાખલ અરજીમાં મહિલાએ કહ્યું હતું કે તેમનો પતિ વારંવાર શારીરિક બનાવટ પર ખરાબ વાક્યો બોલતો હતો અને 2009માં લગ્ન થયા ત્યારથી જ આ સિલસિલો ચાલુ હતો. મહિલાનો પતિ હંમેશા એમ કહેતો હતો કે તે તેટલી સુંદર નથી, જેટલી બીજી મહિલાઓ છે. બંને લગ્નના એક મહિના સુધી જ સાથે રહ્યા હતા. 

કોર્ટે છૂટાછેડાને આપી મંજૂરી 
આ મામલે કેરળ હાઇકોર્ટે પોતાના ચુકાદામાં કહ્યું કે વારંવાર પત્ની પર આ પ્રકારની ટિપ્પણી યોગ્ય નથી, છૂટાછેડાનો આધાર છે. આ સાથે જ કોર્ટે બંનેને છૂટાછેડાની મંજૂરી આપી દીધી. 13 વર્ષ પહેલા ફેમિલી કોર્ટે આપેલા ચુકાદા સામે મહિલાએ હાઇકોર્ટમાં અપીલ કરી હતી.