ચક્રવાતી આફત / સ્ટેચ્યુ ઓફ યુનિટી નજીકના કેવડિયા રેલવે સ્ટેશનની છત ઊડી, જુઓ VIDEO

• કેવિડિયા રેલવે સ્ટેશનની છતને ઘણું નુકશાન
• ઠેકઠેકાણે છત તૂટી
• ઘટનાનો વીડિયો પણ વાયરલ

થોડા સમય પહેલા શરુ થયેલા કેવડિયા રેલવે સ્ટેશન ઝડપી પવનની સામે લાચાર પુરવાર થયું છે. આ ઘટનાનો એક વીડિયો પણ વાયરલ થયો હતો.

વીડિયોમાં કેવડિયા સ્ટેશનની છત ઘણે ઠેકાણે તૂટી ગયેલી જોવા મળી રહી છે. કેવડિયા દેશનું પહેલું ગ્રિન બિલ્ડિંગ સર્ટીફિકેટ વાળું રેલવે સ્ટેશન છે. 

Kevadiya station after #CycloneTaukte
This station has been constructed recently. Damages has been observed after cyclone impact. pic.twitter.com/8sM9zdpF0s

— Naveen (@NaveenKahin) May 17, 2021

તૌકતે વાવાઝોડાની લેન્ડફોલ વખતની સ્પીડ કંડલામાં આવેલા વાવાઝોડા જેવી છે. તૌકતેની લેન્ડફોલની સ્પીડ જ ભારે હોવાથી વાવાઝોડું ભયાનક રહેશે તેવો અંદાજો લગાવી શકાય છે. તૌકતે વાવાઝોડાની લેન્ડ ફોલ ઉનાના નવા બંદર અને રાજપરા વચ્ચે રહેશે. લેન્ડફોલ વખતે ઉનાથી જાફરાબાદ વચ્ચે 120ની સ્પીડનો પવન ફુંકાયો હતો.  તૌકતેના લેન્ડીંગનો મુખનો ઘેરાવો 70 કીમી સુધી લાંબો છે. કોડીનારના છારાથી અમરેલીના જાફરાબાદ સુધીમાં લાંબુ લેન્ડફોલિંગ જોવા મળશે. 

તૌકતે વાવાઝોડુના લેન્ડફોલની પ્રકિયા 11 વાગ્યા સુધી ચાલશે. આ વખતે જમીન પર 120થી 175 સુધી પ્રતિ કલાકે પવન ફુંકાશે. તૌકતે વાવઝોડાથી ભારે નુકશાની થવાના અંદાજ પણ છે. ગુજરાતમાં અત્યાર સુધી ભાગ્યે જ આવું વાવઝોડું આવ્યું છે. લેન્ડ ફોલની બે કલાકની પ્રકિયા મતલબ કે બે કલાક સુધી અતિભારે પવન રહેશે. 

CM રૂપાણીએ સેનાની ત્રણેય પાંખના અધિકારીઓ સાથે કરી બેઠક

CM રૂપાણીએ કહ્યું હતું કે ગુજરાતમાં લૅન્ડફોલની શરૂઆત થઈ ગઈ છે અને આશરે રાત્રે 1 વાગ્યા સુધી આ પ્રક્રિયા ચાલુ રહેશે. તેમણે કહ્યું હતું કે ગીર સોમનાથ, અમરેલી, ભાવનગર અને પોરબંદર આ 4 જિલ્લાઓને વધુ અસર થવાની શક્યતા રહેશે. ગાંધીનગર ખાતે મુખ્યમંત્રીએ સેનાની ત્રણેય પાંખ સાથે બેઠક યોજી તમામ કામગીરી અંગે ચર્ચા કરી હતી, તો બીજી તરફ માહિતી સામે આવી છે કે, ગુજરાતની સીમામાં વાવાઝોડું ત્રાટકવાની શરૂઆત થઈ ચૂકી છે. ભાવનગરના મહુવામાં વાવાઝોડું હિટ થવાની શરૂઆત થઈ ચૂક છે, મહુવામાં 120 કિ.મીની ઝડપે પવન ફૂંકાયો.