ચક્રવાત / તૌકતે વાવાઝોડાની અસરના કારણે મુંબઈ BMCએ તાત્કાલિક કોરોના દર્દીઓને આ સ્થાને ખસેડ્યા

• તૌકતે વાવાઝોડાના કારણે મહારાષ્ટ્રમાં કોરોના દર્દીઓને ખસેડાયા
• 580 જેટલા કોરોના દર્દીઓને જંબો સેન્ટરમાં ખસેડાયા
• પવન અને ભારે વરસાદની હવામાન વિભાગે કરી આગાહી

ગુજરાતની સાથે મુંબઈ પર પણ તૌકતે વાવાઝોડાની અસરની સંભાવનાને લઈ BMCએ 580 જેટલા કોરોનાના દર્દીઓને જંબો સેન્ટરમાંથી સુરક્ષિત સ્થાને ખસેડાયા છે. આ દર્દીઓને દહિસર, બીકેસી અને મુલુંડ જંબો સેન્ટરમાંથી સુરક્ષિત સ્થળ પર ખસેડાયા છે. જેમાં દહિસરથી 183 દર્દી, બીકેસીથી 243 અને મુલુંડથી 154 દર્દીઓને ખસેડાયા છે. હવામાન વિભાગે વાવાઝોડાના કારણે 80 કિમી પ્રતિ કલાક રફતારથી ચાલતી હવાઓને લઈ ચેતવણી આપી છે. સાથે ભારે વરસાદની પણ આગાહી કરી છે.  

તૌકતે વાવાઝોડાને લઈ મહત્વનું અપડેટ

અરબી સમુદ્રમાં તૌકતે વાવાઝોડું વધુ મજબૂત બનવાની સાથે સાયકલોનીક સ્ટોર્મ હવે સીવીયર સાયકલોનીક સ્ટોર્મમાં બદલાયું, 13 કિમિની ઝડપથી દરિયામાં આગળ વધી રહ્યું છે વાવાઝોડું, હાલ વાવાઝોડું પંજીમ-ગોવાથી 220 કિમી જેટલું દૂર, મુંબઈથી 590 કિમિ દૂર અને વેરાવળથી 820 કિમી દૂર છે.

તૌકતે વાવાઝોડાને લઈ ગુજરાતમાં શું છે સ્થિતિ

તૌકતે વાવાઝોડાને લઇને મોટા સમાચાર સામે આવ્યા છે. આજે રાત્રે ડીપ ડિપ્રેશનમાંથી વાવાઝોડમાં તૌકતે પરિવર્તિત થઈ જશે. ગોવાના પણજીથી 250 કિમી દરિયામાં વાવાઝોડામાં પરિવર્તિત થશે. વાવાઝોડામાં પરિવર્તન વખતે પવનની ઝડપ 100 કિમી પ્રતિ કલાક રહેશે. જે બાદ તૌકતે વાવાઝોડું 16 મેથી પણજીથી રત્નાગીરી તરફ દરિયામાં આગળ વધશે. અને રત્નાગીરીથી 250 કિમી દૂર સમુદ્રમાં વાવાઝોડુ માર્ગ બદલશે. 

તારીખ પ્રમાણે વાવાઝોડાની અપડેટ

• તૌકતે વાવાઝોડું રત્નાગીરીથી ઉત્તર-પશ્વિમ તરફી માર્ગ બદલશે. 
• 18મેના સવારે સોમનાથથી 260 કિમી દૂર દરિયામાં આક્રમક બનશે
• વાવઝોડુ 18 કે 19 મેથી સૌરાષ્ટ્રના ભાગમા હીટ થવાની સંભાવના
• 18એ રાત્રે પોરબંદરથી દ્વારકાની વચ્ચે વાવાઝોડું હીટ થઈ શકે 
• વાવાઝોડુ પશ્વિમ તરફ આગળ વધશે તો નલિયામાં હીટ થવાની સંભાવના
• વાવાઝોડા વખતે પવન 100થી 120 કિમી પ્રતિ કલાક હશે 
• 18 મે અને 19મે સૌરાષ્ટ્ર અને કચ્છમાં ભારે વરસાદ થશે 
• ગીર સોમનાથ, પોરબંદર, જામનગર, કચ્છમાં ભારે વરસાદ થશે
• અમરેલી, જૂનાગઢ, જામનગર, ભાવનગરમાં પણ વરસાદ થશે 
• ઉત્તર અને મધ્ય ગુજરાતમાં હળવા વરસાદની સંભાવના
• સૌરાષ્ટ્રના દરિયા કિનારે 15 ફૂટ સુધી મોજા ઉછળી શકે