ભારતીય ઓટોમોબાઈલ કંપની ટાટા મોટર્સ ટૂંક સમયમાં ભારતીય માર્કેટમાં પોતાની શાનદાર એસયુવી કાર લોન્ચ કરવાની છે. આ એક મધ્યમ કદની એસયુવી હશે. જેને બ્લેકબર્ડ કોડ નેમ આપવામાં આવ્યું છે.
ટાટા મોટર્સ ટૂંક સમયમાં સસ્તી એસયુવી કાર કરશે લોન્ચ
આ એસયુવી તમને શાહી અનુભવ પણ કરાવશે
એસયુવી ભારતીય માર્કેટની બીજી કારને આપશે ટક્કર
કાર ખરીદવાનું મન છે, તો લેજો આ કાર
શાનદાર ફીચર્સથી સજ્જ આ કાર ફક્ત દરેક લોકોના બજેટમાં ફીટ પણ થશે અને તેઓને શાહી અનુભવ પણ કરાવશે. તાજેતરમાં આ કારની કેટલીક તસ્વીરો સામે આવવી છે, જેને જોઈને કેટલાંક લોકો આ કારને ખરીદવાનું મન બનાવી રહ્યાં છે. એવુ કહેવામાં આવી રહ્યું છે કે આ એસયુવી ભારતીય માર્કેટમાં રહેલી હ્યુન્ડાઈ ક્રેટા, કિઆ સેલ્ટોસ, નિસાન કિક્સ, રેનોલ્ટ ડસ્ટર સાથે હરિફાઈ થશે. એક વેબસાઈટ મુજબ, ટાટાની આ એસયુવીના બેસ મોડલની કિંમત 10 લાખ રૂપિયાની આજુબાજુ હોઇ શકે છે.
સફારી જેવી LED સિસ્ટમથી થશે સજ્જ
રિપોર્ટ મુજબ, આ કાર હેરિયર અને સફારી જેવી એલઈડી સિસ્ટમથી સજ્જ થશે. બ્લેક બર્ડને પણ ટાટા ALFA પ્લેટફોર્મ પર વિકસિત કરી રહી છે. નેક્સોન અને અલ્ટ્રોઝ જેવી કાર પણ આ પ્લેટફોર્મ પર બની છે. જ્યારે એન્જિનની વાત કરીએ તો બ્લેકબર્ડમાં નેક્સોનનું એન્જિન જોવા મળી શકે છે. નેક્સાનમાં 1200 સીસીનું ટર્બો પેટ્રોલ એન્જિન અને 1500 સીસીનું ડીઝલ એન્જિન મળશે.
શાનદાર ફીચર્સથી સજ્જ હશે બ્લેકબર્ડ
બ્લેકબર્ડના સંભવિત ફીચર્સની વાત કરીએ તો આ કારમાં તમને સનરૂફ, વેન્ટિલેટેડ સીટ્સ, મોટો ટચસ્ક્રીન મ્યુઝીક સિસ્ટમ, ડીજીટલ ઈન્સ્ટ્રુમેન્ટ કલસ્ટર, વાયરલેસ ચાર્જિગ જેવા ઘણાં ફીચર્સ જોવા મળશે. જેની કિંમત ક્રેટા, સેલ્ટોસ જેવી ગાડીઓની જેમ રહેશે. તો કાર લોન્ચને લઇ કહેવામાં આવી રહ્યું છે કે વર્ષ 2022 સુધી કાર લોન્ચ થઇ શકે છે.