ઓટો / મારૂતિ અર્ટિગોને ટક્કર આપવા ટાટા લાવી રહી છે તેની નવી MPV કાર, જાણી લો ડિટેલ્સ

મારુતિ અર્ટિગા અને મહિન્દ્રા મરાઝો સાથે સાથે થશે ટક્કર

ટાટાની આ નવી એમપીવી મારુતિ અર્ટિગા અને મહિન્દ્રા મરાઝોને ટક્કર આપશે. ટાટાની આ કાર વિશે વધારે માહિતી સામે આવી નથી પરંતુ આ કારમાં કંપની 1.5 લીટર ટર્બોચાર્જ્ડ એન્જિન આપી શકે છે.

MPV સેગમેન્ટમાં અર્ટિગાનો દબદબો

મારુતિની અર્ટિગાને MPV સેગમેન્ટમાં ખૂબ જ પસંદ કરવામાં આવે છે. આ કાર મારુતિએ ગત વર્ષે જ BS6 એન્જિન સાથે લોન્ચ કરી હતી. BS6 Maruti Ertigaની કિંમત 7.54 લાખ રુપિયાથી 10.05 લાખ રુપિયા વચ્ચે છે. એ પહેલા તેની (માત્ર પેટ્રોલ એન્જિન)ની કિંમત પણ 7.44 લાખથી 9.95 લાખ રુપિયા વચ્ચે હતી. મારુતિ અર્ટિગામાં ડ્યૂઅલ ફ્રન્ટ બેગ્સ, હાઈ સ્પીડ વોર્નિંગ એલર્ટ, ISOFIX ચાઈલ્ડ સીટ એન્કરેજ, ઈબીડી સાથે જ એબીએસ, બ્રેક આસિસ્ટ અને રિવર્સ પાર્કિંગ સેન્સર્સ જેવા સેફ્ટી ફિચર્સ સ્ટાન્ડર્ડ એટલે કે દરેક વેરિઅન્ટમાં આપવામાં આવ્યાં છે.

ટાટા અલ્ટ્રોઝ ઈલેક્ટ્રિકની પણ જોવાઈ રહી છે રાહ

ટાટા મોટર્સની પ્રીમિયમ હેચબેક અલ્ટ્રોઝ પર આધારિત આ ઈલેક્ટ્રિક કારને આ વર્ષે જ થયેલા જિનેવા મોટર શોમાં રજૂ કરવામાં આવી હતી. આ કાર 250-300 કિલોમીટર રેન્જ સાથે આવશે. ફાસ્ટ ચાર્જિંગ સાથે આ કાર એક જ કલાકમાં 80 ટકા ચાર્જ થઈ જશે. આ કાર આવતા વર્ષના અંત સુધીમાં લોન્ચ કરવામાં આવી શકે છે. જેની કિંમત 10 લાખ આસપાસ હશે.