છેલ્લાં એકવર્ષથી ટાટાની કંપની ટાઈટન લિમિટેડનાં શેરમાં વેચાણનો માહોલ છે. જો કે હવે શેરનાં ભાવમાં તેજી થાય તેવી આશા રાખવામાં આવી રહી છે.
ટાટાનાં આ શેરનો ભાવ વધી શકે છે
એક્સપર્ટે ખરીદી લેવાની આપી છે સલાહ
ટૂંક સમયમાં ભાવ વધીને થઈ શકે છે 3000 રૂ.
છેલ્લાં એકવર્ષથી ટાટાની કંપની ટાઈટન કંપની લિમિટેડનાં શેરમાં વેચાણનો માહોલ જોવા મળી રહ્યો છે. હવે આ શેરમાં તેજી થાય તેવી આશા રાખવામાં આવી રહી છે. ગ્લોબલ બ્રોકરેજ જેપી મોર્ગનને આશા છે કે હાલનાં સ્તર પર ટાઈટનનાં શેરની ખરીદી વધી શકે છે. જેપી મોર્ગનનાં રિપોર્ટ અનુસાર સ્ટોક માર્ચ 2024 સુધી રૂ.3000નાં સ્તર સુધી પહોંચી શકે છે.
હાલમાં શું છે કિંમત?
આજે ટાઈટનનાં શેરની કિંમત 2470 રૂપિયા પર હતી. એક દિવસની સરખામણીમાં શેરમાં 0.5%ની તેજી જોવા મળી છે. જો બ્રોકરેજનાં અનુમાનનું માનીએ તો શેરમાં 20% જેટલી તેજી આવવાની શક્યતા છે.
રિપોર્ટ શું કહે છે?
જેપી મોર્ગનની રિપોર્ટમાં કહેવામાં આવ્યું છે કે અમે આશા રાખીએ છીએ કે માર્જિન 12-13% પર સ્થિર રહેશે. વર્તમાન માહોલને ધ્યાનમાં રાખીને નકારાત્મક જોખમની સાથે વધુ સારી આવક વૃદ્ધિની સંભાવનાઓ છે. જો કે આનંદ રાઠીનાં ગણેશ ડોંગરેએ કહ્યું કે,'ચાર્ટ પેટર્ન પર ટાઈટન શેરની કિંમત રૂપિયા 2300થી 2600 પ્રતિ શેરની રેન્જમાં છે અને રૂ.2600નો આંકડો તૂટ્તાં સ્ટોક રોકેટ બની શકે છે. જેની પાસે આ સ્ટોક છે તે 2300 રૂપિયા પ્રતિ શેરનાં સ્તર પર સ્ટોપ લોસની સાથે હોલ્ડ કરી શકે છે. ભારતીય શેર બજારમાં હાલમાં નબળો માહોલ જોતાં શેર રૂપિયા 2300નાં સ્તરથી નીચે જાય છે તો આગળ મજબૂત સમર્થન હશે અને કોઈપણ ટાટા સમૂહનાં સ્ટોકને ખરીદી શકશે.'
શું છે આજનાં શેરબજારની સ્થિતિ?
વૈશ્વિક બજારોના નકારાત્મક વલણ વચ્ચે ગુરુવારે સતત છઠ્ઠા દિવસે ભારતીય શેરબજારની શરૂઆત નબળી રહી હતી. કારોબાર શરૂ થતાની સાથે જ BSE સેન્સેક્સ અને NSE નિફ્ટી બંને લાલ નિશાનમાં આવી ગયા હતા. સેન્સેક્સ 57500 ની નીચે અને નિફ્ટી 17000 થી નીચે સરકી ગયો છે.
સેન્સેક્સ અને નિફ્ટી ઘટાડા સાથે થઈ રહ્યું છે ટ્રેડ
સ્થાનિક શેરબજારમાં ગુરુવારે લાલ નિશાન પર ટ્રેડિંગ શરૂ થયું અને હાલમાં સેન્સેક્સ 111.06 (-0.21%) પોઈન્ટના ઘટાડા સાથે 57,444.84 પોઈન્ટના સ્તરે ટ્રેડ કરી રહ્યો છે, જ્યારે નિફ્ટી 33.35 (-0.31%)ના ઘટાડા સાથે 16,938.80 પોઈન્ટના સ્તરે ટ્રેડ કરી રહ્યો છે.