TATA ગ્રુપ 18 વર્ષથી વધારે સમય બાદ શેર માર્કેટમાં પોતાની કોઈ કંપનીને લિસ્ટ કરાવવા માટે IPO લઈને આવી રહ્યું છે. કંપની સાથે જોડાયેલા દસ્તાવેજ સેબીની પાસે જમા કરાવી દીધેલ છે.
18 વર્ષો બાદ ટાટા ગ્રુપ લઈ આવે છે કંપનીનો IPO
ટાટા ટેક્નોલોજીઝ કંપનીનાં દસ્તાવેજો કરાવ્યાં છે જમા
IPOની રકમથી ટેક્નોલોજીનો કરશે વિસ્તાર
ટાટા ગ્રુપ પોતાની વધુ એક કંપનીને ઘરેલૂ સ્ટોક માર્કેટમાં લિસ્ટ કરાવવાની તૈયારી કરી રહ્યું છે. કંપનીનું નામ ટાટા ટેક્નોલોજીઝ છે જેનાથી IPO લોન્ચ કરાવવા માટે ગ્રુપનાં બજાર નિયામક સેબીની પાસે ડોક્યૂમેન્ટ્સ જમા કરાવી દેવાયા છે. માહિતી અનુસાર આ આઈપીઓ સંપૂર્ણરીતે ઓફર ફોર સેલ હશે અને તેની અંતર્ગત હાલનાં પ્રોમોટર્સ અને શેર હોલ્ડર્સ 9.5 કરોડ શેરોનું વેંચાણ કરશે.
આશરે 18 વર્ષો બાદ ટાટા ગ્રુપ પોતાની કોઈ કંપનીઓ આઈપીઓ લઈને આવી રહ્યું છે. 2004માં TCS બાદથી ટાટા ગ્રુપની કોઈપણ કંપનીની ઘરેલૂ સ્ટોક માર્કેટમાં એન્ટ્રી નથી થઈ.
IPOની રકમનો આ ઉપયોગ કરશે...
ટાટા ટેક્નોલોજીઝનાં આ ઈશ્યૂ માટે બોફા, સિક્યોરિટીઝ અને સિટી ગ્રુપ ગ્લોબલ માર્કેટ્સ ઈન્ડિયા લીડ મેનેજર્સ છે. શરૂઆતી જાણકારી અનુસાર કંપની IPOથી મળતી રકમનો ઉપયોગ ટેક્નોલોજીનાં વિસ્તારમાં કરશે.
ટાટા ગ્રુપની કેટલી કંપનીઓ છે લિસ્ટેડ..
ટાટા સમૂહનાં અધ્યક્ષ એન.ચંદ્રશેખરનનાં કાર્યાલયનો આ પહેલો IPO હશે. ચંદ્રશેખરને 2017માં ટાટા ગ્રુપનું કારભાર સંભાળ્યું હતું. ટાટા ઑટોકોમ્પ સિસ્ટમ્સએ 2011માં 260 મિલિયન ડોલરનાં IPOને સ્થગિત કર્યાં હતાં. એક રિપોર્ટ અનુસાર, ટાટા સ્કાઈની પણ લિસ્ટિંગ કરવાનાં પ્લાન પર પણ કામ કરી રહ્યું છે. 31 ડિસેમ્બર 2021 સુધી ટાટા ગ્રુપનાં 29 એન્ટરપ્રાઈઝીઝ સાર્વજનિક રૂપે માર્કેટમાં લિસ્ટેડ હતાં અને તેમની કુલ માર્કેટ કેપિટલાઈઝેશ 314 બિલિયન ડોલર હતી.