Tata Sumo એક જાણીતી બ્રાન્ડ છે. જેના કારણે એવી આશા વ્યક્ત કરવામાં આવી રહી છે કે કંપની ભવિષ્યમાં આ બ્રાન્ડ નામથી એક મૉડર્ન એસયૂવી બજારમાં ઉતારી શકે છે.
Tata Sumoએ વર્ષ 1994માં પોતાની સફર શરૂ કરી હતી
હવે 25 વર્ષ બાદ સુમોએ માર્કેટને અલવિદા કહી દીધુ છે
કંપનીએ નિવેદન આપ્યું નથી પરંતુ પોતાની સત્તાવાર વેબસાઇટથી કારને હટાવી દીધી છે
ભારતમાં કદાચ જ એવી કોઇ SUV હશે જે આટલી વધારે ફેમસ થઇ હશે, મોટા શહેરોથી વધારે આ ગાડીનું નામ નાના ગામ અને ટાઉનમાં લોકપ્રિય હતું, ભારતીય રસ્તા પર 25 વર્ષો સુધી રાજ કરનારી ટાટા મોટર્સની સુમોનું પ્રોડક્શન બંધ કરી દીધું છે. આની પાછળ શું હતું કારણ? ચલો તો જાણીએ...
ટાટા મોટર્સે સૂમોનું વેંચાણ હવે હંમેશા માટે બંધ કરી દીધું છે. ભારતમાં Tata Sumoને 1994માં સૌથી પહેલા લૉન્ચ કરવામાં આવી હતી. છેલ્લા 25 વર્ષથી લોકોના દિલ પર રાજ કરનારી આ SUVમાં ઘણી વખત ફેરફાર કરવામાં આવ્યા છે. એને અપગ્રેડ કરી કારણ કે ગ્રાહકોને દરેક વખતે કંઇક ને કંઇક નવી અને સારી મળી શકે. પરંતુ એક હદ સુધી ફેરફાર બાદ સૂમો આજની હાઇ ટેક SUVની ટક્કર આપી શકી નહીં અને પાછળ રહી ગઇ પરિણામ વેંચાણમાં ઘટાડો આવી ગયો.
આવતા વર્ષથી ભારતમાં કોઇ પણ કંપની BSIV વાહન વેચી શકશે નહીં, માત્ર BS6 નૉર્મ્સ વાળા જ વાહનોનું વેંચાણ થશે. પરંતુ Tata Sumo ને BS6 માં અપગ્રેડ કરવા જેવી કોઇ જાણકારી મળી નથી. જેનાથી જાણવા મળી રહ્યું છે કે કંપની આ SUVને આગળ વધારવા ઇચ્છતી નથી. આટલું જ નહીં હવે ટાટા ડીલરશિપ્સ પર આ SUV નજરે આવી રહી નથી. ટાટા મોટર્સ હાલ ભારતમાં Safari Storme, હેક્સા અને કોમ્પેક્ટ એસયૂવી નેક્સૉનને વેચે છે.